العباس قمر العشيرة
يبو فاضل يضيّ عيناي يخي تكًدر تجيب الماي
أدري بيــــك ماتبالي بجـــود وجفك الغالي
يخي تكًدر تجيب الماي
*********
الطفل يابو الفضل عطشان وأمـــــــه بيه محتاره
تاره ينغمي وايمــــــــــوت يفرفر ينحمـــــس تاره
حليبه امن الظمــــه يابس وما ظلت بعــــــد جاره
غير اتــــــروح للشـــاطي وظمـــــانا ينطفي ناره
يخويه الشاطي موش ابعيد اعيالك ماي كلها اتريد
انت العمد والوالي ابجود وجفك الغالي
يخي تكًدر تجيب الماي
*********
يخويه اكًلوب عطشـــــــانه منو غيرك يـــــــرويها
عيون العـــــــايله كلــــــها مشبوحــه اعلى واليها
معتمـــــــده يبو فــــاضل عليك اتــــــريد تسكًيها
واحـــد يهــــــل دمعــــاته ووحــــده منغمي اعليها
الطفله مـــــن تجي يمي تكًلي اتوســـلي ابعمي
يبو فاضل شده بالي ابجود وجفك الغالي
يخي تكًدر تجيب الماي
**********
سمــــع منها أبـــو الغيره واتعنّه لخــــــــــــــــوه مبهوت
يكًله اطفالنا كــــــــــــلها عطاشى ومشرفه اعلى الموت
يبو اليمــــــه الأمر مخطور الرضيع انكًطــــــع منّه الصوت
أستأذن واروح الســــــــاع من قيل اليفـــــــــوت الفوت
العقيـــــــله جتني تشكيلي ابحجيـــــــــها نزّلت حيلي
تكًلي والدمع هالي ابجود وجفك الغالي
يخي تكًدر تجيب الماي
**************
كًله احسين والدمعـــــــه تغورق بالجفــــــن واتهلّ
خل اطفالي كــــــلها اتموت بس انت يخـــــويه اتظل
يخويه انت عمــــــد بيتي وانت جيشي الأمثــــــل
من بعـــــدك أظل وحدي واحــــــــزام الظهر ينحل
عكًبك ينكســـر ظهري شسوي بعدك ابعمــــري
ينهد بيتي العالي ابجود وجفك الغالي
يخي تكًدر تجيب الماي
**************
اعتلى ظهــــــر الجواد وراح اجموع الكًــــــوم طشّرها
واتعنهّ النهـــــــر ظـــــامي ولعــــــد روحــــه يصبّرها
ما أشــــرب وخويه احسين جبده العطـــــش فطّرها
مله الجود ورجــــع مسرور جثث للكًـــــــــوم سطّرها
رد الغـــدر بصفوفه رموه وكًطعوا اجفوفه
وصابه العمد بالتالي وراح الجود والغالي
يخيّ ما شربت الماي
************ تمت