صاح الناعي ابتالي الليل بالسمه أعلن جبريل
الليله الوصي ابراسه انصاب حيدر وگع بالمحراب
بالسمه أعلن جبريل
* * *
من طلع وحده ظل گلبي عنده ظليت ألوم الروح
الناعي سمعته اشيقصد عرفته حيدر وگع مجروح
أخذتني دهشه و صابتني وحشه دمعي يهل مسفوح
ظليت أتاني ميته عساني جبريل أسمعه اينوح
شنهو اليسكن روعي ابخدي تسيل ادموعي
محمول رد داحي الباب حيدر وكع بالمحراب
بالسمه أعلن جبريل
* * *
أصرخ و انادي مدري اشسادي الساني ارتبك شيگول
ماتسعفونى متخبّروني ليش الولي محمول
روحي ابوريدي گالولي هيدي حال الأبو منحول
الضربه مجيده لازمها بيده دم اودمع مهمول
راسي اهجسه المصيوب وروحي مثل روحه اتلوب
جرح امي بعده ما طاب حيدر گع بالمحراب
بالسمه أعلن جبريل
* * *
الوالي اعتنيته ينزف لگيته جرحه يسيل ادموم
گلي تعالي ودعي الوالي سيف النذل مسموم
ابدمعي الجاري أسأل الباري بويه ابسلامه اتگوم
گال السلامه إلها علامه ومني دنه المحتوم
ظلّيت أصك بجفوفي واتزايد لوعي و خوفي
ومن الوالي ظني خاب حيدر وگع بالمحراب
بالسمه أعلن جبريل
* * *
روحي مريبه و هاي المصيبه ما چانت اعلى البال
صاحب الهيبه مجرم يصيبه يالمرهب الأبطال
الخوف اعتراني و گلبي لواني شفت الجرح جتال
گلبي يخايب جتك مصايب إتهدم الاجبال
فرگة الوالي صعبه احنيّن او گلبي ايحبته
من الألم راسي شاب حيدر وگع بالمحراب
بالسمه أعلن جبريل
* * *
شيبني دهري من شفت ذخري ابجرح الأجل مصيوب
شفته ايتألم و گلبي نزف دم شيبه ابدماه مخضوب
امخضب الهامه و شفت العمامه بيها الجرح معصوب
امصيبة ولينه أثرت بينه وذابت عليه اگلوب
و العايله ابكتره تنوح عفيه بگت عندي روح
و دمع النواظر سچّاب حيدر وگع بالمحراب
بالسمه أعلن جبريل
* * *
ابساعه رهيبه أيس طبيبه وظل ينحب الجراح
ابنوحه فجعهم فجر دمعهم صاحوا ابونه راح
اگلوب الجريحه شهگت ابصيحه فدوه العلي الأرواح
الأعلن وصيته يدري منيته ويه الفجر لو لاح
شنسوي ابفجر الكوفه چم ظيم بيه انشوفه
جمر العواطف لهاب حيدر وگع بالمحراب
بالسمه أعلن جبريل
* * *