حزن الزهرآء للمظلوم
حزن الزهرآء للمظلوم
==============
أنا أم دامي المنحر ابعزه المظلوم دوم احضر
على العباس وحسين حزينه طول السنين
ابعزه المظلوم دوم احضر
=============
أنا بنت النبي نور المدينه أنا الظليت من بعده حزينه
مصايب كربله انصبّت علينه رضينه ابقدرة الباري رضينه
ودهري بيّه ظل بلعب ابحياتي ظلعي اتصوّب
أنا الكسرولي ضلعين حزينه طول السنين
ابعزه المظلوم دوم احضر
=============
حياتي انتهت مظلومة وشهيدة وچم لوعه ابلوعه اتمرشديده
الحسن سموه وبيه فجعوا عضيده واخوه حسين كطعوله وريده
نسيته ضلعي المكسّر وعلى العطشان اتحسّر
فجعني امصاب الاثنين حزينه طول السنين
ابعزه المظلوم دوم احضر
=============
مصاب احسين مرسوم ابخيالي انا ابگبري وعليه مشدوه بالي
تدرون الولد يا شيعة غالي ما انسى سهر ذيج الليالي
على اولادي اون وانحب كسر كلبي يسر زينب
زينب واليسر وين حزينه طول السنين
ابعزه المظلوم دوم احضر
=============
هد حيلي مصاب الغاضرية من هد العطش بالفاطمية
ابو فاضل گصد للعلكمية ظامي وما روى گلبه ابميه
ترس جوده ورجع ظامي وگلبه من العطش دامي
راسه انجسم نصين حزينه طول السنين
ابعزه المظلوم دوم احضر
=============
المصيبه الألمت كلبي يا شيعة شفت احسين بيدينه رضيعه
روّه العده ابسهم الفجيعه مثل سهم الفگس عين الشريعه
سهم اللي فگس عينه گطع يسراه وايمينه
على گطعة الجفين حزينه طول السنين
ابعزه المظلوم دوم احضر
=============
انا اوياكم يشيعه بالعزه دوم حيدر والنبي وابني المسموم
ننعى الظامي من الماي محروم خصوصا عاشر ابمقتل المظلوم
مصيبة عاشر امحرّم بچت عين السمه بالدّم
وتبچيه الملايين حزينه طول السنين
ابعزه المظلوم دوم احضر
===========
وكل ماتم يشيعه احضر ابلوعه تعزوني على ابني الطحنوا اضلوعه
ثمن هالدمعه غالي وتظل مشفوعه على الكوثر تجون اهناك مجموعه
يسگیکم من الكوثر علي المرتضى حيدر
تراني يامحبين حزينه طول السنين
ابعزه المظلوم دوم احضر
=============
ذكرواحسين يوم العاشر اشقاسه وحيدامذبّحه كل اخوته وناسه
ذكرواحسين يوم اللي انگطع راسه ذکرواحسین یوم اللی الشمرداسه
بعد ماگطعوا المنحر راسه اعلى الرمح يفتر
يجب تبچیه کل عین حزينه طول السنين
العزه المظلوم دوم احظر
=============
جهد رائع.. لكن اذا فيه مجال اضافة مقطع صوتي لمعرفة طور القصيدة