دخول الشام 1

وصلنه                  وصلنه الشام واهل الشام فرحانه
واهلنه                 واهلنه روســــــهم برماح ويــــــانه
وكَفنه ابّين الاجناب                        ثلث ساعات بالباب
واهلنه روسهم برماح ويانه
————————————————

ليش الناس تتفرج علينه اصفوف             وفرحانه ابسبينه
كلها امعيّده اوناس التدكً ادفوف              من عـدها انقهرنه
والينه عليل وبالحبل مجتــــــوف              بس يجذب الونـــه
والأطفال نحلانه واخذها الخـــوف             يابويه انهظــمنــــه
انهظمنه         انهظمنه ولا ولي عدنه اليحامينه
انهظمنه         انهظمنه بالحبل مجتوف والينـــه
وكًفنه والأمل خاب                       ثلث ساعات بالباب
واهلنه روسهم برماح ويانه
———————————————–

على ظهر الجمل مشدود ابو الباقر        وامكًيدين ايديــــــــه
يا حيدر عليلك يكسر الخــــــــــاطر        ما أكًدر أصـــــــد ليه
من هظمه يون عاليســــر صابــــــر        اعلى الناكًه امكًيديه
كل ساعه يجي ويضربه الكافـــــــر        وثكًل الكًيد مــــــاذيه
ومهظوم           مهظوم ويشاهد يســر عماته
مهظوم            مهظوم ابألم يجذب ابحسراته
وكًف والدمع سجّاب                ثلث ساعات بالباب
واهلنه روسهم برماح ويانه
——————————————-

مصيبتنه مصيبه من وصلنه الشام              بيّه ما بكًـــت روح
راس احسين يمي عالرمح جــدام             وراسه وين مـاروح
واعيوني عمت من ضربة ام اهجام            لخوي المات مذبوح
ياحيدر ذبت من ولية الظــــــــــلّام             دمعي دوم مسفوح
أيا راس                     أيا راس الأصد له واشتكي حالي
أيا راس                     أياراس الأكًلّه ابهظمة اعيـــــالي
نار الحزن لهّاب                  ثلث ساعات بالباب
واهلنه روسهم برماح ويانه
———————————-

من هظمي يبويه اجـــــــــذب الونات             آيا طبّة الشــــــام
بالذل وكًفنـــــــــه بّاب ابو السـاعات             وجتنه الناس اركام

كلها بالشماته امنشـــــــــــره رايات             وخلوا الروس جدام
صحت بسمك يحيدر حاضر الشدات             ودمع العين سجام
أناديك           أناديك وتمنيتك تجــي ثاير
أناديك          أناديك وأعرفك تجبر الخاطر
دهري صابني اصواب             ثلث ساعات بالباب
واهلنه روسهم برماح ويانه
———————————————–

والتصعب عليه طبّـــــــــت الديــوان           أطب اشلون حرمه
ابكسرتنه النذل متشمت وفرحــان           عمّ الكــــون ظلمه
روحي اتنحلت من جور ابن سفيان           لمّ الناس لمّـــــــه
شدهتنه العصي واشماتة العدوان            وكًلبي زاد همـــه
بحجار        بحجار وعصي والبعض شتمونه
كفــار        كفار وخــــــــــوارج دين سمونه
كًلبي امن الهظم ذاب            ثلاث ساعات بالباب
واهلنه روسهم برماح ويانه
——————————————-

يبويه والشمــــاته تدري هجم ابيوت            هظيمه والهظم مــر
واشمانة يزيد أصعب تره امن الموت            ابذبح احسين مستر
من آمر علينه ابجلسته انفــــــــــوت            دخلنه ابحال الاكًشر
شفت الراس جدّامه وصحـت ابصوت             شيل إيدك يمكـــدر
شتمني       شتمني ايزيد ياحيــــدر ابديوانه
هظمني     هظمني بالشتيمه وطوّل السانه
راسي امن الهظم شاب             ثلاث ساعات بالباب
واهلنه روسهم برماح ويانه               تمت
+===================