الجزء العاشر

دخول الشام 2

آه وا ويلاه وينك يا علي                 زينب اتناديك بويه كًوم إلي

               ***********************

زينب اتناديـــــــــــــك يا داحي الباب
كًوم خلـــــــــــصنه يبويه امن العذاب
امن المصايب والنوايب راسي شاب
آل أبو سفيان ذبحوا كل هلي           آه آه

*************************

يا علي بالشام ماتدري اشجره
ابّاب ابو الساعات زينب حـــايره
بالأرامل واليتـــــــــــامه امّرمره
لا كفيل اولا عضيد اولا ولي     آه آه

*************************

عفت اخوي احسين مرمي اعلى الثره
ورحت للكوفــــــــــــــــه غريبه اميسره
راد يضربني اللعين ابمخصـــــــــــــــــره
وجيت للشام ودمع عيني ايهلي    آه آه

*************************

 آمر ابن ازياد للشـــــــــــام انحدر

  عكًب عزي ومن عكًب ذاك الخدر
   لنّي مسبيّه ابّين اهـــــــل الغدر
   ودخلة الديوان مكتوبــــه إلي        آه آه

************************

ومن دخلنه المجلس الطاغي يزيد
وبالحبال امجتفينه امــــــن إيد ليد
والعليل ابركًبته طـــــــــوكً الحديد
ايزيد كًلبه امن الحقد يغلي غلي   آه آه

********************

حرم برض الشام خلانه الزمـان
اظهورنه اتألمت بكعوب السنان
والمتون التوسمـــت بالخيزران
وين عهد الجابني من منزلي     آه آه

********************
يا مصيبه التنّسي ابدخلة الشـــام
ونّة السجاد واصراخ الايتـــــــــــــام         السبايا  
لو سبينه الصار فرجه الخاص وعام
لو فكًد ولياي ظلوا بالخلي          آه آه

——————————–

                    تمت

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى