دُعاء وتوسّل
دُعاء وتوسّل
ـــــــــــــــــــــــــــــــــــــــــــــــــــــــــــــــــ
ياقيّوم بإسم احبابك جيت اليوم أطرق بابك
ربّ الهمّ ضيّع عمري مسني الضُرّ يربّ تدري
جيت اليوم أطرق بابك
ـــــــــــــــــــــــــــــــــــــــــــــــــــــــــــــــــــــــــــــــــــــــــ
جيتك أتوسّل بالهادي وحيدر علي والزّهره
ابجاه الحسن بالسّم گضه وحسين الگطعوا نحره
وبكل شهيد اللّي انذبح ابإسمك يعالي القدره
ياربّي اغفر كلّ اذنوبي واكشف عن گلبي الحسره
اشگد حسرات بين الضلوعي وبالونّات تجري ادموعي
الوين أتوجّه ماأدري مسني الضرّ يرب تدري
جيت اليوم أطرق بابك
ــــــــــــــــــــــــــــــــــــــــــــــــــــــــــــــــــــــــــــــــــــــ
من كل علّه ربّي اشفيني ملّيت من كثر الدّآء
دأء الذنوب المنسيّة ودأء المرض عشت اوياه
ودأءالدّنيه ا لمالها تالي واللّي اتسطره ايضيع ادواه
ونفس الآمّاره الماتخجل كل شيّ اتريده وتهواه
يامعبود بيك أتوسّل الحرّ النار ماأتحمّل
ياحنّان ارحم فقري مسني الضُّريرب تدري
جيت اليوم أطرق بابك
ـــــــــــــــــــــــــــــــــــــــــــــــــــــــــــــــــــــــــــــــــــــــــ
ربّي الوجهك أرفع إيدي إقضي حاجة كل مهموم
وحاجاتي ياربّ اقضيها بحقّ النبيّ المعصوم
واكفينه شرّ مافي الدّنيه أوّفّقنه للخدمه دوم
أنت الشافي وأنت الكافي وانت التنصر كل مظلوم
يافتّاح فرّج همّي وبالجنّات سجّل إسمي
يارحمان وسّع گبري مسني الضُّر يربّ تدري
جيت اليوم أطرق بابك
ــــــــــــــــــــــــــــــــــــــــــــــــــــــــــــــــــــــــــــــــــــ
ابهذا العصر زاد الكفر القرأن بيه ظل مهجور
اگبور الأ ّيمّه امهدّمه والشيعه دمهم مهدور
بحزام ناسف ينّسف الشيعي لو راح ايزور
ومرقد الكاظم للقتل مسرح صفه لهل الجور
ابها لإرهاب صحنه وگلنه من الأسباب شيعه وسُنّه
ياقهّار خفّف وزري مسني الضُّر يربّ تدري
جيت اليوم أطرق بابك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عجّل فرجنه سيدي ابثورة المهدي الموعود
يظهر اويمحي كل عوج يمسح هالأفكار السود
إيگولون مهديكم بعد للسّاع أبد موُ مَوْلوُد
غصباعلى اعناد االعدوّ غايبنه للثار ايعود
ياخذ ثار كلّ اليمّه وثارحسين السفكوا دمّه
يوم الگال كسروا ظهري مسني الضُّر يربّ تدري
جيت اليوم أطرق بابك
ــــــــــــــــــــــــــــــــــــــــــــــــــــــــــــــــــــــــــــــــــــ
ثار الضِّلْع وثار العين وجرح الصدر بالمسمار
ماظن يالغايب تنساه مٌحسن طاح ابّاب الدار
تاخذ ثار امن الإثنين الأوّل والثاني الغدّار
ذوله سبب كل فتنه اتگول البضعه امّ الأطهار
منّ البيت گالوا طلعي بين الباب كسروا ضلعي
دمّ الضِّلع ظل يجري مسني الضُّر يربّ تدري
جيت اليوم أطرق بابك
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بالمحشراتنادي الزهره ربّ شوف اشصار اوياي
ضلعي انكسر دمّي انهدر وبالسوط ضربوني اعدي
أولادي كلها اتذبّحت سمّ اوقتل شنهو الرّاي
وچفّين لبني اتگطّعت يوم الراح ايجيب الماي
وطفل حسين زيّد همّي يوم السال دمّه ودمّي
ابنحر حسين گطعوا نحري مسني الضُرّ يربّ تدري
جيت اليوم أطرق بابك
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تمت
السلام اتمن لكم التوفيق والدوام على رثاء اهل البيت ياسداتي وموالي اني توجهت بكم وستشعت بكم عن الله