زينب وأمها الزهراء

أسـمــع اتـونـّـيــن يُـمـّـه          بيـنـه شـتـوصّـيــن يـمّـه

ما تدرين اشصـار ابحالـي          و افـراكـج ما جان ابّـالـي

أسـمــع اتـونـّـيــن يُـمـّـه

*     *     *

يـيـمّـه عـلّـتـج يـا حيـف          مـا أدري دواهــا ويـــــن

أسـمـع ونّـتــج و انـحـب          و على افـراكـج أهل العين

كسـر ضلعـج اظـن مـاذيـج          لا تحـجـيـن و لا تشكيـن

انمـرد كلبـي يبعـد الروح          يــوم اسمعـتـج اتـوصّـيـن

جنـّج علـى ارحيـل يـمّـه          و ادمـوعـي اتسـيـل يُـمـه

ايظل البيت اخلافج خالي          و افـراكـج ما جان ابّـالـي

أسـمــع اتـونـّـيــن يُـمـّـه

*     *     *

 

تـكـلـهـا لا تـنـشــديـنـي          اخاف احجيلـج امـصابـي

يـزيـنـب بعـدج اصغـيـره          اشـو اتحـسّيـن بـصـوابـي

يـوم البـيـه جــدّج مــات          و فـاركـت اغـلى احبابـي

و اجتني محنتي ابداري         و سكط محسن على بابـي

اتكـلها ادري اشصار يـمه          ضلـعج ابـاب الـدار يـمـــه

مكسـور و دايـم يتـراوالي          و افـراكـج ما جان ابّـالـي

أسـمــع اتـونـّـيــن يُـمـّـه

*     *     *

أدري ابكـسـرة اضـلـوعـج          و ادري ابـغـرزة المـسـمـار

احـس الـكـسـر بضلـوعـي          واحس ابصدري تلهب نار

و شفـتـج يمه من عصـروج          بـالحـايـط و بـــاب الــدار

و شفـت الكـوم من دخلـوا          و جتـفـوا والـدي الـكـرار

مـحـسـن يـوم الطـاح يمه          دمعـي و دمعـج ساح يمـه

مـنـج انـكـطـعـت آمـالـي          و افـراكـج ما جان ابّـالـي

أسـمــع اتـونـّـيــن يُـمـّـه

*     *     *

على فـضـه اسمع اتنـادين          و انـا محـتـاره مــا ادري

شسـوّي و كلبـي يتخـافك          عليـج و دمـعـتـي تجــري

يـمّــج واكـفـه ظـلـيـــت          و نـارج تـسـعـر ابصـدري

اريـد اسـعـفـج مـا أكـــدر          يـيـمّـه و حايـره ابعمـري

هـالعـمــر يـفـــداج يـمـه          مـدري ويـن الكـاج يـمــه

يا يمّه كعـداتـج تحـلالـي          و افـراكـج ما جان ابّـالـي

أسـمــع اتـونـّـيــن يُـمـّـه

*     *     *

اريـد اوصـيــج يـا زيـنب          للـطـف مـن تحضـريـنــه

تـروح ابكـربـلـه ولـيــاج          و كـل غـالـي تفـكـديـنـه

نيـابه شـمـّي نحر حسين          و كـت اللـي تـودعـيـنــه

سـلامــي بـلّـغـيـه لبـنـي          و ابـصــدره تـقـبـليـنـــه

اتكلها كلبــي ذاب يـمــه          مـن عـصــرة البـاب يـمـه

ويـاج آنـا الـمـوت اشوالي          و افـراكـج ما جان ابّـالـي

أسـمــع اتـونـّـيــن يُـمـّـه

*     *     *

الـمـصـايب هـالوصفـتيها          يـيـمـه ذوبــت روحـــي

أعيـش اشلـون مـن بعـدج          و اشـو ظـنّـي إلـي يوحي

اعيش ابحزن كل عـمـري          و لا يـفـتـر أبـد نــوحـي

كـلـمـا أكـبــر ابـسـنـّــي          بـيّـه تـكـبـر اجـروحــي

مـنّـي الصـدر ضـاك يـمـه          يـكـلفـنــي الـفـراك يـمـه

و افكد شخصج يمه الغالي          و افـراكـج ما جان ابّـالـي

أسـمــع اتـونـّـيــن يُـمـّـه

*     *     *

يـيـمـه عـنـي لـو رحـتـي          مـن صـغـري اتـيـتمـيـنـي

عليـج امـعـلـمـه روحـــي          انــام و عـيـنــج ابعـيـنـي

حنـانـج بـلسـم الكـلـبــي          يـيـمـــه لا تـخــلـيـنــــي

الحسن وحسين يمه اصغار          و أنـا اويـاهــم تعـوفـينـي

اولادج اصــغــــار يــمــه          يـبـجــون بـالــدار يـمــه

مـا كـلتـي اتنـوح اطفـالـي          و افـراكـج ما جان ابّـالـي

أسـمــع اتـونـّـيــن يُـمـّـه

*     *     *