الكرامة الحسينية

زينب و الزهراء (ع)

يا يمه الله ايعين            صبرج او صبري

ضمد كسر الضلعين        صبرج او صبري

اشيطلبنه هالغدار         يوم الهجم عالدار

 *     *     *

يا شمعة بيت المرتضى و قّداحه

فكدچ سلب من كلب ابونه الراحه

و شفرات حزنج بالكلب جراحه

و انعدمت امن البيت كل افراحه

و جاور بيت الأحزان       صبرج او صبري

من الحزن ظل حيران       صبرچ او صبري

صاب الصدر مسمار       يوم الهجم عالدار

يوم الإجوا كوم العده يم الباب

يصرخ غده الثاني او شايل أحطاب

إطلع يحيدر بايع شيخ الأصحاب

لو أحرك اعليكم البيت او لا اهاب

و جفف من عيني ادموع       صبرج او صبري

و سكن شهكات الروع       صبرچ او صبري

و انشعلت أول نار       يوم الهجم عالدار

 *     *     *

مظلومه رحتي و الصدر ينضح دم

يوم العليج الباب رده المجرم

اتعمّد على جتلج ييمّه وعزم

بالباب صدرج يالحبيبه اتهشم

اتحمل مسمار الباب       صبرچ اوصبري

و حير ابن الخطاب       صبرچ او صبري

اشيعتذر للمختار       يوم الهجم عالدار

من طحتي يُمه روحي طاحت وياج

محتاره يمّج ما أدري اشلون ارعاج

بس الدمع من عيني هل اواساج

يمج أحوم او أصفك بيدي و أنخاج

و طلعوا ابحيدر وياه       صبرچ او صبري

و من الحبل ظل يرعاه       صبرچ او صبري

بالحبل كاد الكرار       يوم الهجم عالدار

 *     *     *

مألومه بفراش المرض و اتونين

و عمرج ييمه ما وصل للعشرين

عفتينه و احنه اصغار و اغمضتي العين

يبجي الحسن يمج او ينعاج حسين

يايمه ظل يرعاج       صبرج او صبري

هز خصمنه الآذاج       صبرج او صبري

خله الشمل طشار       يوم الهجم عالدار

مدفونه نص الليل يالعفتينه

و امن الدفن رد الأبو ايواسينه

ايعزينه بيج او تهمل دمعة عينه

رحتي ييمه وبعد ما تلفينه

و فاض الصبر ما بين       صبرج او صبري

و نشف ادموع العين       صبرج او صبري

و خله الحزن تذكار       يوم الهجم عالدار

 *     *     *

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى