جيتك أسئل عن كبرين يابويه كبر امي وين
وين المحسن صاير كبره و اصبح ضايع كبر الزهره
يابويه كبر امي وين
* * *
حزينه زينب و دمعتها دم تجري
يبويه من دفنت امي نفذ صبري
كبرها وينه كلي يا بعد عمري
أريد اكعد واخبرها شكو ابصدري
يابويه من يوم الباب ضلع امي اتعوّر و انصاب
ماتت مهظومه و متكدره واصبح ضايع كبر الزهره
يابويه كبر امي وين
إجيت أشكيلك اهمومي يبو الحمله
اغياب امي هظم روحي او ماحمله
جنت أسهر اوياها السهر ماملّه
و من اتظمني الصدرها النوم إلي يحله
و ما جانت ابالي هاي من صغري تظلم دنياي
ما أدري ابضلع امي و كسره واصبح ضايع كبر الزهره
يابويه كبر امي وين
* * *
لذيذة مَعْشَر امي اشلون أنساها
يبويه اشكد حلو لحبيبه محجاها
الف وسفه عزيزتنه فكدناهما
يريت الموت أخذني جان وياها
وحشه ابعيني وظلمه الدار يا يمه عفتينه اصغار
اتظل ابكلبي عبره و حسره و اصبح ضايع كبر الزهره
يابويه كبر امي وين
اشكثر حلوه ييمه كعدتي ابكترج
ردت من عمري يحبيبه على عمرج
أبد ما انسه يمه جرح البصدرج
رحلتي و انحرمنه حتى من كبرج
من رحتي و ضلعج مهشوم و جرح الصدر يجري ادموم
بعد الكلب شنهو ايصبره و اصبح ضايع كبر الزهره
يابويه كبر امي وين
* * *
يبويه ايسعدك الباري على بلواك
سمعت امي يعصروها و إهي تنخاك
اشيكع بيدك وحيد اوجتفوك اعداك
و من سحبوك إجت تدعي على الآذاك
طلعت تصرخ بالأشرار خلو حيدر حامي الجار
ردها الثاني ابذيج السطره واصبح ضايع كبر الزهره
يابويه كبر امي وين
يبويه و المصاب الخلّه دمعك دم
على المغسل شفت ضلع أمي تهشم
اوجنها احمرّ يبويه ابسطرة المجرم
اندفگ دمعك عليها و كلبك اتألم
خل تشتكي للمختار جرح الضلع و المسمار
و طفل الوكع وكت العصره و اصبح ضايع كبر الزهره
يابويه كبر امي وين
* * *
أحلفك بالضلع وادموعك اللي اتسيل
دفنت امي ابخفيه ليش نص الليل
يكلها امج الوصتني كبل متشيل
الوصيّه نقذتها و ما بكالي حيل
صاحت من اتروح اهناك وديني الكبر امي اوياك
إرحم كلبي و اجبر كسره و اصبح ضايع كبر الزهره
يابويه كبر امي وين
* * *
