سلوني قبل أن تفقدوني
سلوني عن فضآء الكون واسراره
سلوني عن البرزخ جنّـته وناره
عن الدنيا إسئلوني گبل ما تفگدوني
سلوني عن البرزخ جنّته وناره
*******
إنضرب رأس الوصي والسيف مسموم الوحي أعلن نحيبه
مسه سـور الديـانه الليـله مهـدوم حلّـت بيه مصيبـه
فحص جرحه الطبيب وصـاح مـألوم الجرح مابيه طيبـه
الـوصي گلهم دسئلـوني ابهـاليـوم أشو الرحلة قريبـة
تأذّيت ابحيـاتي ويقظتي ونومـي
تمنّيت ان أغـذّيكـم من اعلـومـي
حال المـوت دوني گبـل ما تفگدوني
سلوني عن البرزخ جنّته وناره
*******
هالكلمة نطـقها علي الكـرّار وفسّرها ابّيـانه
سلوني ماخفه اعليكم من اسرار مخصوص إبسمانه
چم نجمة وچم بيـه فلـك دوّار عن أصله وزمـانه
عن الأرض إسئلوني اشبيها أخبار أذكـرها ابأمـانه
عـن الكون عن الكون النبـي بعـلـومه غـذّاني
ينـكـرون ينكرونك يگلّي اخلافي عدواني
بعد موته انكروني گبل ما تفدگدوني
سلوني عن البرزخ جنته وناره
*******
عن الدنيا اسئلوني اشبيها أهوال تتلاعـب بهـلها
تگلبهم غصب من حال إلى حـال وگصيّر حبـلـها
غـدّاره ويـامـا أفنـت أجيـال مكّـاره ابحيلـها
عصوا خـالقهم وكنـزوا الأمـوال عصوا ربهم لجلها
مغـرور مغرور إلسـعى الدنيـاه الميّـالـه
مسـرور مسرور اللّـي والـى أحـمد او آلـه
تعـالوا ناشـدوني گبـل ماتفـگدوني
سلوني عن البرزخ جنـّته وناره
*******
وراكـم برزخ وتحقـيق واحساب وحـديد ابنار ذايـب
تحوطه النـار كل مذنب اومغـتاب من كلّ الجـوانـب
لليــاكل حـرام إعلـيه تنسـاب حيّـات اوعقـارب
إبـذاك اليـوم ماتنفـعكم انسـاب ومتفـيد الأ قـارب
الإفـاده الإفاده الطـاع ربّه وحقـقّ آمـاله
السعادة السعاده اليـدخـل الجنّه ابأعمـاله
إبورعـكم ساعدوني گبـل ماتفگدوني
سلوني عن البرزخ جنـّته وناره
*******
يبن آدم إلـك بالبـرزخ أدوار ماتدري اشتـعاني
البرزخ بيه سلاسل حمرة من نار يقيـدونه الجـاني
او بالجنّـة قسـايم تسـطع أنـوار بس إتـريد بـاني
ابتسبيحات أربـع تزرع أشجـار تغـرسها ابثواني
إشتختار تختـار الخـلد والحـور جدّامك
لو نــار لونار الجحـیم التشـوی إعظامك
أريد إتجـاوبوني گبـل ماتفـگدوني
سلوني عن البرزخ جنّته وناره
*******
ترى البرزخ محطة تصفية مال شمسوّي ابدنـياك
إذا مـاكل حـرام ابقـدر مثقال لازم تدفـع إهنـاك
یسئل منكر إشعـندك من أعمال گول إشجايب اوياك
صلاتك صومك إشحامل من اثقال منـو ربّك و مولاك
يـويلـه يويله المـا نطـق واتلجـلج إلسـانه
الـعديلـه العديله للحفـظـها إتقـوّي بـرهـانه
صعبه صـدّگـوني گبـل مـا تفگـدوني
سلوني عن البرزخ جنـّته وناره
*******
مليتـوا گلبي قيـح او ألم واكـدور من سوء الإرادة
لاطـاعه إلي عـدكـم ولا شــور أنكرتوا السيـادة
سألت الله يجيكم وغـد مغرور يفنيــكم إبـادة
تعيشون ابزمانه عيشـة الجور وأنا نلت الشهادة
تجـوني تجوني علـى الكـوثر إلكـم امحـامي
شـجوني شجوني لليطـردونـه و إهـو ظــامي
راحـل ودّعـوني گبـل ما تفـگدوني
سلوني عن البرزخ جنّـته وناره
÷÷÷÷÷÷÷ تـمّت ÷÷÷÷÷÷÷÷÷÷ طور القصيدة
هو طور قصيدة إلهي رد غريب الدار لدياره لباسم الكربلائي