ظلامة أهل البيت (ع)
أناديــــك ابحبـيبك أحمـد وآلــــــــــه
أناديـــك العـفو بالحشر واهـوالــــه
إرفـع كل ظليمة بالذات الكريمه
أناديك العفو بالحشر واهواله
*******
الظليمة الاُ ولى للهـادي المختار حبيب الله أبوالقاسم
الظليمة الثانيـة الحيــدر الكــــرار الـمقتـول صــــــايـم
عجـّل ياإلـهي ابصـاحب الثــــــار يرد كــــــلّ المظـالم
يگطع كل لسان الينطق العـــــار ويگـول حسين ظالم
ينـكـرون الـبذل عمـره وسبي اعيـاله
ويرفعــون الخسـيس إيـزيـد وامثــاله
بالرحمة الرحيمه بالـذات الكـريمــــــه
أناديك العـفو بالحشر واهواله
*******
الظليمة الثالثه الهـادي وگف گال إله الحـق نـذرني
من بعــــــــدي كتــاب الـله والآ ل حمـاة الـدين عني
إذا إلـكم ظـلامه الســــاع بالحـال تعـالوا اقتصّوا مني
يـوم اللي مينفـع ولـــــــد لامــال لتـخيبــــون ظنـي
ونينــي لليجـيني ابســــوء أعمـاله
حنيــني اليـاخذ اكتـابه من اشماله
السبـب نفسه اللّئيمه بالذات الكريمـه
أناديــك العفو بالحشر واهـواله
*******
الظليمة الرابعة ابتحرير الكتـــــــــاب رموه ابشر بليّـه
گالوا يهجـرالهادي الأمـل خـــــــــــاب من أجـلاف أميّـه
إنكشف له المخفي من نيّة الأصحاب ينكرون الوصيّــه
گال الهم وگـلبـه مـن الألــــــــم ذاب يأشـــرارالبريّــه
تجـونـي والرسالـة ابئـيد محتـــاله
تجـونـي والوصـي امگيد ينه بحباله
هـذي اكبر جريمه بالذات الكريمه
أنـاديك العفو بالحشر واهواله
*******
الظـليمه الخامسه للظلـع والعيـن البضعه من لطمـــها
اومسمار الجـرح صـدر أم الحسين سبّب كل ألمــــــها
وسوط الصـابها وسـوّد المتنـــين ورث زينب من أمــها
نادتها عگـب عينـي تشـــــــوفين مصاب الطف وهمها
تكفلـين ألاخوج احسين أطفاله
وتمشين ابيسر من سـوط چتّاله
مصيبتكم عظيمه بالذات الكريمه
أناديك العفو بالحشر واهواله
*******
الظليمه السادسه من تحشرالناس تجي فاطمه الزهـره
بئيديها الطفل واچفــــــــوف عباس ترفعـهم بحســــــره
أريد الثـار لبني صـاحــــــــب الباس الفده لحسين عمره
شنو ذنب الطفل ترميه الارجـــــاس ابسهم طوّگوا نحـره
ذبحـــوه اعلى صدر الوالـد إشحالـه
فطمـوه بدمـاه او گطـعـوا آمــــــاله
إله حسره مقيمه بالذات الكريمه
أنـاديـك العفو بالحشر واهواله
*******
الظليمه السابعه امصيبة العطشان عنوان الفراســــــه
إجه شمر الضبابي ابعجل فرحــــان ركب صدر القداسه
ضجيج البالسمه زلـــــــــزل الأكوان يوم الصدر داســــه
يوگف بالحشر يسأل يديـّـــــــــــــان جسمي وين راسه
إلهــي كسّرت صـدري الخيّـــاله
إلهــي شيعتي اتحبني اوتتواله
لهم جنة النعيمه بالذات الكريمه
أناديك العفو بالحشر واهواله
******************** تمت