في رثاء الإمام الرضا عليه السلام
(آه يا شاه العجم) (آيسلطان العرب)
ضيّفه المأمون وخانه ابعنـــــب مسموم
************
لعنة الله على الخانـك سيدي او خان العهد
من وطن جدك ابحيله جابك او مملي حقــد
ايكًلك انت والي عهده وكًلبه يغلي امن الحسد
ضافـــك ابّيته ابخديعه راد ايدفنــــــك باللحد
بيده قدم لك الســـم ابمـــاي رمان او عنب
ابهالضيافه صار كًلبك ينضح ادموم
*********
كًال ابو الصلت الإمام اشجره ابحاله من طلع
كاتم اوجاعـــه ايتألم ولعـــد بيته من رجع
كًال جيب الطشت ليه وجبده بيه نزلت كًطع
على فراشه من تمدد طــــــول ليله ما هجع
جم طشت متروس من دم شلته من يمه ابرعب
يحمد الله أو يشكره و عايف النوم
***********
بين ما يبتهـــــل يدعي لن حضــــر ابنه الجواد
ضمه الصــــدره ويكًله اوداعــــة الله حيلي باد
هالله هالله بالإمامـــه والوعــــد يوم المعــــاد
يالجــــواد ايعينك الله اتعيش بين اهـــل العناد
راح ايجيك المعتصـــم واختــه ايراووك العجب
اتسمّك أم الفضل يبني اوتظل مالوم
**********
وصّه ابنه باليريــــده لنّــــــه هانت ونّته
روحه فاضت والجواد اعليه سالت دمعته
ايصيح بويــه وحّدتني بين كًـــوم الشامته
غسّله وجفّنه ابئيده وشيّــع ابنه اجنازته
اندفن بالعز وانحشم ما بكًــه فوكً التراب
احسين ظل جثه وراسه ابرمح مزموم
***********
آه يالمظلوم محـــــد صــــار مثله ولا جرى
ابو اليمه مات ظامي والشمر حــــز منحره
الخيل جالت فوكً صدره والعقيله تنظــــــــــره
طاحت اسكينه اعلى جثته اتصيح بويه اميسّره
بويه جينــــــــالك حرم وما على الميـت عتب
رايحين الكوفه يسّر بين هالكًوم
**********
بين ما سكينه تودعــــه كًلها سمعي اوصيّتي
اخذي يا بنتي سلامي وبلّغيـــــــه الشيعتي
ثلث تيام آنا ظــــــامي العطش يبّس جبدتي
بين سبعين الف جندي وحيــــــــرتني عيلتي
مدري أشكي يا ألـــــم من الظمه كًلبي التهب
ذكروا طفلي المات بيدي ابسهم مسموم
************ تمت