هــذا الــوداع يــا عـلــي هـالليـله
بـاجـر وفـاتـك يـا جبـيـر العيـله
* * *
اينادي الطبيب او دمعته يجريها
الليــله حيـاتـك يـا عـلـي تاليـها
روحـك الليـله تـصـعـد البـاريـها
مسمـوم جرحك ما إلي بيه حيله
* * *
هـذا الـوداع مـن علي و منـشـوفـه
بـاجـر ابـونـه يـنـدفـن بالكـوفـه
الليله أودعـه وارد اشـم اجفـوفـه
افـراك الأبـو يا ناس مـالي حيـله
* * *
الليــله الوداع آيبـويــه الـغـالــي
باجـر يظـل النّـزل مـنــك خـالـي
عكبك يبو الحمله اشيصير ابحالي
يظـلم البيت و ينـطـفـي قـنـديــله
* * *
آخــر وداع للـولـي اتـودعــونـــه
صوته خفه وللموت دار اعـيـونـه
بـاجـر ابونه للغري ايشـيـعـونـه
مسمـوم جـرحـه يا حسن تجيـله
* * *
الليـله الأخـيـره آ ينـور اعيـوني
اتمـنـيـت كبـلك بالكبـردفـنـوني
باجـر ابمـوتـك يا علي ايعـزونـي
منهو عكـب عينك الظّيـم اشكيـله
* * *
الليــله اليتـامه يا علي مفجـوعـه
شوف الحسين ابنك يهلّ ادموعـه
والحسن محني امطبكات اضلوعـه
حدنه نشوفـك بـس ســواد الليـله
* * *
اتمـنـيـت باجر كـبـري ايحفرونه
بـاجـر شـسـوّي و نعشك ايشيلونه
بـاجـر يبـويـه جسمـك ايدفنـونـه
هـمـي ثجـيـل منهو بويه ايشيـله
* * *
هـــذا الـوداع مـن عـلـي والـدنــه
ابعيد الفطر منهو اليجي ايعايدنه
اللـه على افــراك الولي ايساعدنه
امن الساع ابونه عزّم اعلى الشيـله
* * *