في رثاء الزهراء عليها السلام 3
آه وا ويلاه ماتت فاطمه ماتت او ضلعينها متهشمه
***********
ماتت الزهراء من كسر الضلع
ابّابها الظالم عصرها ولا ارتدع
من عصرها حالاً المحسن وكًع
على العتبه ومات يا حامي الحمه آه آه
***********
ايعينك الله يا علي وكت الغسل
مدّدتها على المغسل بالعجل
شلت العصابه ودمعك دم يهل
عينها امن السطره تتسايل دمه آه آه
*************
ايعينك الله يا علي امصابك جمر
من شفت ضلع الزجيه منكسر
ايعينك الله شفت مسمار الصدر
ابساعة العصره على الزهره انغمه آه آه
*************
ايعينك الله يوم لفّيت الكفن
طاحوا ايودعونها حسين وحسن
للصدر ضمتهم وكًامت تون
الهالمصيبه حنّت املاك السمه آه آه
*************
صرخوا الاطفال يايمه الوداع
ضاع عمرج بالحزن يا يمه ضاع
بعد متعودين لو رحتي الساع
اعلى الحنان اكًلوبنه متعوده آه آه
**************
زينب اتنادي وتهل دمعة العين
يمّه ظلي اويانه يم كًلب الحنين
بعد ما شوفج يالحبَيْبه تجين
روحي لفراكًج ييمه امألّمه آه آه
**************** تمت