من اتوفه نبينه بان اليتم علينه
ويلاه وا نبيّاه ويلاه وا نبيّاه
* * *
مظلمه اليوم المدينه و البدر منها اختفه
بالسمه جبريل ناده اليوم مات المصطفه
مدده الكرار بيده و صاح عالدنيه العفه
منبرك سيد الأمّه منهو بعدك يخلفه
غايب نور المدينه بان اليتم علينه
ويلاه وا نبيّاه ويلاه وا نبيّاه
* * *
انهدمت اركان الديانه و صاح جبريل الامين
مات ابو القاسم محمد مات سيد المرسلين
انفجعت الأمه ابنبيها الحسن يبجي و الحسين
و امهم الزهره تنادي راح عز المسلمين
راح النبي امن ايدينه بان اليتم علينه
ويلاه وا نبيّاه ويلاه وا نبيّاه
* * *
روحه فاضت للخلقها و اظلم إعلينه النزل
و اختفه صوت الحبيب المصطفى سيد الرسل
دار بعيونه عليه و شفت دمعاته تهل
ابصوت خافي كلي صبري بويه وافاني الأجل
من حين غمضت عينه بان اليتم علينه
ويلاه وا نبيّاه ويلاه وا نبيّاه
* * *
تبجي الزهره اعلى ابوها اتجول يم اجنازته
اشحالها التفكد ابوها وتنحرم من شوفته
امعلمه كل يوم ايجيني اشكثر حلوه بسمته
يجييتفكد احوالي و يشتكي لي مخنفه
لو راح ما يجينه بان اليتم علينه
ويلاه وا نبيّاه ويلاه وا نبيّاه
* * *
بويه شوف حسين يبچي اعليك و ينوح الحسن
كتله يمه بعد ساعه جدك ايلفه الجفن
حيف عالوجه المنوّر بالترايب يندفن
من بعد عينك حياتي تنكضي ابهمٌ و حزن
من رحت يا ولينه بان اليتم علينه
ويلاه وا نبيّاه ويلاه وا نبيّاه
* * *
من غمضت العين بويه كل فرد منه انفجع
كلبي يتصافگ ابصدري و أحس بيه چنته وكع
النار تتواكد ابروحي و ما يطفيها الدمع
من خفه صوتك يبويه كلبي اعليك انكطع
وين الذي يعزينه بان اليتم علينه
ويلاه وا نبيّاه ويلاه وا نبيّاه
* * *
من شفت جبريل يبجي اعلى النبي يوم الصعد
ارَفت ابو ابراهيم راح او لعد بيتي ما يرد
اظلمّت الدنيه ابعيني و صوتي ابصدري انخمد
اشلون اتصور الهادي طوله ينمد ابلحد
ضاكت الدنيه بينه بان اليتم علينه
ويلاه وا نبيّاه ويلاه وا نبيّاه
* * *
كبل ما تغمض اعيونه كتله يا سيد البشر
من بعد موتك يبويه عني يخفيك الكبر
وين اشوفك بعد كلي ما إلي عنك صبر
كلي صبري و تلحكيني و انتي إكصيْرّت عُمر
على القضا رضينه بان اليتم علينه
ويلاه وا نبيّاه ويلاه وا نبيّاه
* * *