موحش اوفاهي امصلاك من يوم غمضت عيناك
ويلاه وا نبيّاه ويلاه وا نبيّاه
* * *
فاطمه الزهره حزينه اتنادي و المدمع يهل
ما رحمني الموت بويه و ردت وياك ارتحل
شفره و اتكص ابد ليلي شفتك اعلى المغتسل
فاتوا ابنعشك اكبالي و كلبي ابنار اشتعل
يصعب عليه فركاك من يوم غمضت عيناك
ويلاه وا نبيّاه ويلاه وا نبيّاه
* * *
امصاب فكدك بويه هدني و انهدم مني الحيل
ثوبي ما أكدر أشيله و دمعة اعيوني تسيل
روحي ما تاخذ قرار او نار تسعر بالدليل
سلوتي صارت ادموعي و الحزن ليله طويل
ما أستقتر ابلياك من يوم غمضت عيناك
ويلاه وا نبيّاه ويلاه وا نبيّاه
* * *
بويه يم كبرك أنادي ابإسمك او لا من جواب
عجب يا كلب الحنون ايحول أما “اوشك اتراب
امعلمه كليوم اشوفك صعب يا فركه الاحباب
آه بويه الزمن قاسى اتكطّعت كل الاسباب
ظلت تحن يتاماك من يوم غمضت عيناك
ويلاه وا نبيّاه ويلاه وا نبيّاه
* * *
آه يا مصباح عمري الي انطفه و عشت ابظلام
من يدك الباب واحد يبس دمي و كلبي هام
أذكر ايام اللي فاتت تجي اتحييني ابسلام
اتصيح إلي يا أم ابوها آه يا ذيج الايام
روحى انسحبت وياك من يوم غمضت عيناك
ويلاه وا نبيّاه ويلاه وا نبيّاه
* * *
بويه والزَيَّد احزاني النتن وصيت الاصحاب
أبد ما خافوا امن الله من ردت تكتب كتاب
افلان سدد لك الضربه كال يهجر مُو صواب
ويه ما سمعوا ابموتك بالبلد صار انقلاب
ما نفذوا وصاياك من يوم غمضت عيناك
ويلاه وا نبيّاه ويلاه وا نبيّاه
* * *
انكلبوا اصحابك علينه و انت بعدك بالكفن
صعدوا المنبر و خطبوا من كبل ما تندفن
نكروا اشوصيت بينه و خالفوك اهل الفتن
صار موتك عيد إلهم و احنه عالينه الحزن
ظلينه نبچي و ننعاك من يوم غمضت عيناك
ويلاه وا نبيّاه ويلاه وا نبيّاه
* * *
بويه ما تسمع بچاي آنا العزيزه فاطمه
مو وحدنه اللي بچينه الأرض تبچي و السمه
الناس مفجوعه و حزينه بسن الفرقه المجرمه
اتقمصوا ثوب الخلافه من السقيفه الظاله
يا بويه ظِلْمَتَنه اعداك من يوم غمضت عيناك
ويلاه وا نبيّاه ويلاه وا نبيّاه
* * *
من غفت عيناك بويه استوحدوا خير العمل
إجه يتهدّد الثاني ايكلّه بايع بالعجل
كله انت البايعتني من أمر سيد الرسل
ايكلّه مات اللي تذكره و الأمر عكبه ابتدل
كل كصده يمح ذكراك من يوم غمضت عيناك
ويلاه وا نبيّاه ويلاه وا نبيّاه
* * *