في رثاء النبي محمد (ص) 3
وصيته ما رضوا يكتب وصيته
عصوا أمره دروا گربت منيته
عداوه للنبيّ المصطفى وآله
******************
النبيّ المصطفى الاصحــاب جمّعهم
وأخبرهم ابموته وظـــــــــل يودّعهم
نوه يكتب وصيّه وكلمـــــــه تجمعهم
ابسهم قاسي رموه ابإذنه يسمعهم
النبي يهجر وصيتـــــــــه لا متنفعهم
يگلهم قوموا عني وساءه مجمعهم
يأس منهم وصيتـــــــه اليوم ردّوها
عرف من بعده البيعـــــــه ينكروها
دمع عيناه همل من گطعوــا آماله
***************
كشف له الباري من بعده الامر أخطر
يجي الثاني يريد البيعه من حيـــــدر
ينادي يا علي اطلـــــــــع لتتأخّـــــر
وجّ النــــــــــــــار ابّاب البيت المطهّر
شاف الباب ابنــــــار أحقادهم تسعر
ظلـــــــــــــع بنته رآه بالباب يتكسّر
بين الباب والحـــــــــــــايط يعصروها
طفلها طاح وبالاسياط جــــــــــلدوها
النبي اعليه انغمه من شاف هالحاله
****************
صور واحداث ابطن الغيب شـــاهدها
رأى الاصحـــاب ابحبلها اتگود سيّدها
الوصي محتار هالفتنه اشيخمّــــدها
غمد سيفه وحججهم كلها فنّـــــدها
ورأى الزهراء ارثها راح من عــــــدها
ويمنعوها من ابچاها اعلى والــــدها
الخلافه عن علي الكرّار حرفــــــوها
الامامه امن النبوّه اعناد صـــــرفوها
الخلافه ظــــــــــلّت ابأيدي المحتاله
**************
تولّتها الخلافه أيدي ملعـــــــــــــونه
برامجها القتل للمـــــــــــــــايريدونه
لعد نسل النبي المگصــــد يگطعونه
علي الكــــــــرّار ابمحرابه يصوبونه
سليل المصطفى الزاكي يسمّــونه
ودفنه يم گبر جـــــــــــــدّه يمنعونه
راى العتره ابكـــــــل حالات يفنوها
ابيحياطين المباني شـــــاف يبنوها
ومصيبة كربلا منها انشـــــــده باله
*******************
شاف اعداه تتواثب على العتـــــــره
ناس ابسم وناس ابسيف متــــــوذره
شـــاف احسين من حز الشّمـر نحره
وشـــاف الخيل تتراكض على صــدره
وكت الموت راد امن الشــــرب گطره
ثلث تيام ظــــــل مرمي على الغبره
ومشوا بعياله لرض الشــــــام ودّوها
والتبچي اعلى اهلها ابسوط ضربوها
وراس احسين ظل حارس على اعياله
******************
التفت لنّ الزچيه تجــــــــري دمعتها
تذكّر من عگــــــــــب عيناه اشحالتها
يشمها ونوب يضمها وظــــل يسكّتها
يصبّرها على البـــــــــلوى وهظمتها
بشّرها ابسرعه بعــــــــــــده موتتها
ابألم وادموع أبوها شـــــاف بسمتها
يگلها بويه ابســـــــــــرعه تلحگيني
يهظمونچ وايعصــــرونچ عگب عيني
عليه طاحت تضمـــه ابحسره چتاله
*******************
تمت