الكرامة الحسينية

لطميه للاربعين 2

اشعدكم اخبار          يهالي كربله

جينــــه زوّار          لهلنـه بالفله

بالشمس عفنه الأهـل          لا أجفان ولا غســـل

جينه زوّار لهلنه بالفله

*     *     *

جــيت محــزونه ابصــدري عــبرتي

مـن يدلّــيني علـى اكبـــور اخــوتي

أرد اسمّـــعهم ونـــيني وحســــرتي

من خذوني ميسّــــره          حسين ظل اعلى الثره

وين مدفون عميد العايله

*     *     *

جـــتها أســديّه او نشـدتها ابوجل

تكلها ما شــفتوا أجســاد ابهالمحل

كل أهلنـــه ابكربله راحــــوا جتل

الروس منها امكطّعـه          ونحّلتنـــه الفاجعــه

عفنه الاحباب جثثها امجدّله

*     *     *

اتكلــها شــفنه اجساد ما إلها مثيل

امعطّــره ابريح المســـج والدم يسيل

ابليّـــه راس وشــوفهم نــزّل الحيل

جثث كلها امطرّحــه          وبالسيوف امجرّحــه

وبطل شفناه إيديه امعزّله

*     *     *

وعالنّــهر شــفنه بطل وبكتره جود

ابليّــه راس امكــطّعه منّــه الزنود

اتكلها هذا بو الفضل صاحب الجود

ابطيحته خدري انهدم          النار شبّت بالخيــــم

ورحنه للشام إيدينه امغلّله

*     *     *

وشــفنه شـاب اتحنّت إيديـه بالدمه

اتكـلها جـاسم صار عرســـه ابماتمه

حسيــــن للعرّيـــس بيـــــده عمّمه

راح او هذي روحتــه          وامّه طفّت شمعتــــه

وظلت العين لبنها هامله

*     *     *

شـــفنه جــثة شــــاب ممروده مَرد

ابشـــال ملفوفــه وعليــها الدم جمد

اتكـــلها هذا الاكبر ابيـــوم الّلــكد

كلها منّه اتشـــاردت          وتالي جثته اتـوذّرت

ودمعة حسين ابخدّه سايله

*     *     *

وجســد شـفنه اعظامه كلها امكسّره

اجفـوفه مكطــوعه ابكتره امشــمّره

ســابح ابدمّــــه ونزف دم منحــره

ويمّـه شـاهدنـه طفـل          اتكلها عبدالله انجتل

انذبح عطشان ابنبلة حرمله

*     *     *

اتكـلها هذا حسيـن مكســـور الصدر

جنــت يمّــه من إجه ليه الشـــــمر

فوك صــدره اتربّـــع وحــزّ النّـــحر

ظامي ابن امّي انذبح          انشال راســه عالرمح

شالوا الراس وجثته امجدّله

*     *     *

 

 

 

 

 

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى