لعلي الأكبرعليه السلام
اشها الجنازه امبرگعه امشيّعيها للخيم
من وراها احسين يمشي ابظهر مكسور
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شها الجنازه امشيّعيها حافّه بيها الشباب
كلها ساده تابعيها والدموع اتكت سحاب
من وراها حسين يمشي محني ظهره من المصاب
هذا نسخه من محمّد عن رحاب الدنيه غاب
وصل نعشه للخيم طلعت اطفال اوحرم
كلها تصرخ ياشبيه النبي المبرور
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اشلون وحشه اشلون دهشه ساعة الحطّواالنعش
من صريخ الفاطميّه عالم العلوي ارتعش
تلطم اعلى الروس كلها منها كل گلب انخمش
وأمه اتناديه يبني بيتي من بعدك وحش
ريت بعيوني العمه اولاشفت جسمك خذم
حسرتك تنهش ابروحي وگلبي مجمور
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بالخيم زينب حزينه شابچه العشره وتصيح
بالنعش جبتولي لكبر اموذّر ودمه يسيح
وامّه المهظومه تصرخ ضاگ بعیونی الفسیح
آه ياوردة حياتي ترجع الأمك ذبيح
يبن روحي املوّعه چنت سوري وانهدم
رحت ياالأكبر امن ايدي وانطفه النور
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ياعلي چنت ابسعاده علي وجهك من يهل
طلعتك تشبه الهادي اوبيك مشغوفه الأهل
وجّمعتها اسنين عمرك يابعد عمري ابوجل
تالي ابزهرة شبابك عن الدنيه ترتحل
يقند يل اللّي انطفه وشوفي من عنده انحرم
ياشمس بيت النبوّه وبدرالبدور
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
آه ياعطري الأشمه ظلمه يبني خيمتك
يبني ياورده الما تذبل تهش روحي البسمتك
شنسه منّك ياحبيبي اشلون أنسه صورتك
گمر بيتي انخسف يبني يوم صارت طلعتك
ودّعتني من رحت اوداع ممزوج ابألم
لنّك ابنعش المنيّه جيت منحور
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يبني أرد أغسل اجروحك من دمع عيني اليسيل
واهدي ادموعي للزهره القدًّمِتْ أوّل قتيل
ومرهم اجروحك يالكبر من برد نار الخليل
وادري كل هذا ييمّه في سبيل الله قليل
لاچن افرا گك صعب ياسليل اهل الشيم
بيّضت وجهي ابجها دك يبني مشكور
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ تمت ـ