الجزء العاشر

للأربعين 4

أنازينب يهـــل ودّي                     جفيتوني جفيتوني

حزينه والدهرضدّي                     نسيتوني نسيتوني

                            أنا زينب أنا زينب

                           ـــــــــــــــــــــــــ

يخويه حسيـــــن أنا زينب           سبيّه وجيت نحــــــلانه 

حرمكـــم خويه والأطفال            من الأحــــــزان دوهانه

العاده زايـــــــــر الأحباب            إله ايفزعـون خــــــــلاّنه

ردت أحبابي تنهــض لي            وگدري يرتفع شــــــــانه

عمت عيني شفتها اگبور            هدم عمري شهر عاشور

سعيده لو وســـط گبری             دفنتونی دفنتـــــــــونی

                              ــــــــــــــــــــــــــــــــــــ

یخوتی ما دریتوا اشصار                اختکم ظلّــت ابحيره

أبوي اللي نسج خدري                 وخـــلاّكم نواطيــــره

وابو فاضل شديد الباس                تكفّل محملي ايجيره

ولنّي ابكوفة الكــــــرار                 سبي من ديرة الديره 

 ما يدري گمــــر هاشم                 أجي من ظالم الظالم

ألمّ اطفالكــــــم وحدي                  تركتوني تركتـــــوني

                         ـــــــــــــــــــــــــــــــــــــــــ

خذونه اعلى الهزل نسوان              وعليل ابسلسله امگيّد

دخلنه الكوفــــــه متعوبين              يحسبونه سبي مُرْتـــد

وگفنه ابجلســــة ابن ازياد              وعلينه گام يتنشّـــــــد

يگول الباري فاضحـــــــكم               وبيده الســــوط يتهدّد

گلت بيت النبــــــــوّة احنه                ياللي اتريد تفضحــــنه

أنا الهادي النبي جــــــدي                عرفتــــوني عرفتوني

                         ـــــــــــــــــــــــــــــــــــــــــــ

 مرار الشام أشد واعظم                   هظمنه ايزيد واعوانه

سبينه عيـــــــد عند ايزيد                  وگّفنه ابديــــــــــوانه

راد ايبيع طفــــــــــــلتنه                   خوارج ديــــن سوّانه

نهرته بالخزي والعــــــار                    وفضحته بين غلمانه

يخويه وراسك ابطشـته                     ينكت بالعصه شَفته

أصيح ودمعتي ابخــــدي                    كتلتـــــوني كتلتوني

                        ـــــــــــــــــــــــــــــــــــــــــــ

ابخرابه لاسگـف لاباب                         گعدنه غصبن اعلينه

رقيّه فزّت امن النــوم                          تگلي والدي وينــــه

يزيد آمر الراس خـذوه                          دسكتوا هالتاذينــــه

راســـــك ظلّت اتقبله                          شهگت ماتت الطفله

تنادي اتفطـــرت چبدي                         صدمتوني صدمتوني

                       ــــــــــــــــــــــــــــــــــــــــــــــــ

يخـــويه الأربعين اليوم                         اجينه انــزور أحبّتنه

لا خيمه و لا صيـــــوان                        منو ايگوم ابضیافتنه       

وين الأكبر وعبـــــــاس                        گومو مسحو دمعتنه

يخوتي امتونّه اســودّت                      ابعصيها الگوم ضربتنه

أجيت اليوم منكـــــــوبه                       تعبني الشـام بدروبه

العتب عالموت مايجــدي                       سليتوني سليتوني

              ـــــــــــــــــــــــــــــــــــــــــــــــــــــــــــــــــــــ             تمت

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى