للزهراء عليها السلام 2
ليش الزهره تنلطم وليش حرگوا بابها
وليش گادوا المرتضى بالحبـــل مخفور
***************
أسأل اوينه اليجــــــاوب وين أربـــــــاب العلم
ليش الزهـــــــره بنت نبينه على خدها تنلطم
وليش بين الباب والحـــايط ظلعها ينهشــــــــم
وليش محسن سگط ميّت من عصر بيها الخصم
إنچان مقصدهم حكم اشذنب هالمظلومه
ليش يعصرها ويطگّ الظلع مكسور
ايصير ما عدهم علم وما دروا معصومه
ليش يعصرها ويطگّ الظلع مكسور
****************
مـــــــــات أبو القاسم محمد والمدينه مظــــلمه
امن العــــــويل امن البواچي ما تهوّد فاطمــــه
يصعب افراگـــــه عليها من الحنان اميتّمــــــــه
ما رعت حالة البضعه أهل السقيفة المجـــرمه
النبي بعده بالچفن ما جو ايشيعونه
انتخبوا الهم فد خليفه طاغي مغرور
بالخديعه والفتن حاكم اينصبونه
انتخبوا الهم فد خليفه طاغي مغرور
*********************
انجمعوا ابّاب الرساله وجـــــــــابوا اوياهم حطب
خل علي يطلع ايبايع طيب لو يطلـــــــــــع غصب
وره الباب البضعه صــــاحت هذي مو شيمة عرب
عفتوا اجنازة الهادي لا كــــــــــــــــرامه او لا أدب
حيف أصحاب النبي امن الشيم معدومه
راح من عندي أبوي الچـــــان إلي سور
لنها تسبيني سبي صحبته المأثومه
راح من عندي أبوي الچـــــان إلي سور
*****************
من سمعها الثاني مغضب صاح جيبولي قبس
وشعل نار ابليّه رحمه ودفع بالباب الرجــــس
وره الباب الزهره لاذت صاحــــــت ابآخر نفس
بالعجــــــل فضّه تعالي دمي ابجسمي يبس
عصرني المابيه رحم اتكسّرن ظلعيني
جرّح المسمار صدري والدّمه ايفور
ذاب گلبي امن الالم مات أظن اجنيني
جرّح المسمار صدري والدّمه ايفور
*****************
هجموا اجلاف الرجال اتكاثروا الفارس مضــــر
چتفوه ابحبل سيفه ساحبينه اهـــــــل الغدر
صاحت الزّهره ابألمها والظلع منها انكســــــر
خلّوا بن عمي أگلكم لا وحــــــق سيد البشر
اكشف راسي بالدعا وأگلب المعموره
وعن خيانتكم تره أكشــــــــــف المستور
ضاگ صدری امن البلاء وحرمتي مهدوره
وعن خيانتكم تره أكشـــــف المستور
*****************
رجع حبتر سدّد إلها لطمه ابكـــــــــــــل قوّته
وسوط قنفذ شل ظهرها آه بنت سر هل أتى
اجت للمسجد الزهره ولبن عمـــــــــها تبعته
خل أبو الحسنين يطلـــــــــع يهالغاصب نادته
لنّ الغبار اعتلى الارض مادت بيهم
انقلعت الحيطان كلــــــــــــها إلها والدور
حلت بيهم زلزله الاول وثانيهم
انقلعت الحيطان كلــــــــــــــها إلها والدور
*******************
معجزه صارت عظيمه غضـــــب من رب السما
نظل طول الدهر نسأل من الزمره الحـــــاكمه
ليش أخذوها الخلافه من علي حــامي الحمه
من الاول إلى الثالث صوره مـــــــن مسيلمه
حرّفوا أمر الرسول ويدّعون أصحابه
والخلافه انحرفت امن الظلم والجور
واجلدوا ظهر البتول واجو حرگوا بابه
والخلافه انحرفت امن الظلم والجور
*********************
تمت