للقاسم عليه السلام
طفّوا اشموع العرس ياشباب الحومه
طاح جاسم بالحريبه وحاطته الگوم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حسين رد شايل القاسم حاضنه ابصدره وحزين
تخط ر جليه على الگاع اومنحني ظهر الحسين
جابه حطّه ابصفّ الاكبر وگعد مابين الاثنين
مني ياأحبابي رحتوا فجعني بيكم البين
منهو ايباري الحرم وانتوا كلكم نومه
منهو يسگي هالعطاشه النــــهر ملـزوم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
إجت رمله ويّه زينب وانحنن يمه ابنحيب
زينب اتگلّه يعمه جرح فگدك مايطيب
وامّه اتگله يجاسم يبني شح بيك النصيب
ياذخر گلبي وخليلي رحت مني يالحبيب
یبنی اشعدها بعد أمك المهــظـومـه
فگد والي وبيت خالي وحيل مهدوم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
آيبرز الشيب يبني البيك حاتفني الدهر
چنت مسروره ابوجودك واحسب أيام العمر
دوم محنيّه اعلى مهدك ليلي أگضيه بالسهر
من أنام اخافن اتفز اتريد ثديك يالگمر
حلوه أيام الرّبه ابمهجتي مرسومه
اشگدحلولوصحت يمّه أنسه لهموم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مات ابوك ابزغر سنّك لك ثلاثه امن السنين
ينمرد گلبي تگلي يمّه ابويه راح وين
تظل دمعاتي اتّهامل أبتسم واخفي الونين
لعد صدري من أظمك يندمل جرحي الدّفين
صعبه أيام الحزن من الونس محرومه
إگضيت عمري بين ونّه وبين نحبه كل يوم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واكبرت يبني يجاسم وخففت بعض الحزن
وصرت أشوفك يبني فارس نسخه من وجه الحسن
وصار عندي امل تدفع عني آفات الزمن
ابكربله انعكست حياتي وكسرت آمالي المحن
يبني مذبوح ارجعت ريتني معدومه
جيت واجروحك ثجيله تسفح ادموم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
آه يبني الرحت مني اولا بلغت ابزفّتك
دوم أترجاك تكبر بيدي أعلگ شمعتك
والقدر يبني رصدلي وخلّه دمّك حنّتك
يبني من بعدك اشعندي ريت روحي فدوتك
راح أعيش امنحّله امن الحزن مسگومه
وراح يحرمني افراگك حلوة النوم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ تمت