الكرامة الحسينية

مجيء نساء أهل البيت لزيارة الأربعين

يا هالنـاس رحمــوني

بالجفيـــن دلّـــونــي

*     *     *

جت العقيلـه امحيّــره         واتدور من كبر الكبـر

يـا نازليــــن ابكربلــه         يا صوب عباس الكمر

منّـه الكـوم حرمـوني

بالجفيـــن دلّـــونــي

*     *     *

يـوم المشينــه والكمــر        مرمي ابكتـر المشرعـه

الجــود يمّــه والعلــم        وجفوف إيديه امكطّعه

بالعبـــاس فجعـــوني

بالجفيـــن دلّـــونـــي

*     *     *

عباس مــاني امحسّبه         أمشي يسيـره وانشتم

نايم ابشـاطي العلكمي        وعامود صيواني انهدم

أشرار الناس سلبــوني

بالجفـيـــن دلّـــونــي

*     *     *

شحجي لك عن محنتي      من هجموا اعلينه الكفر

ظلــوا يسلبـــون الحرم       وبظهورنه سوط الشمـر

خويه الكوم ضربـــوني

بالجفــيـــن دلّـــونــي

*     *     *

ظليت أفتّـش بالخيــم         والنـار بيهـــا تلتهب

طلّعت جم طفله وطفل          مذعوره من كثر الرعب

اتصيح الكـوم حركوني

بالجفــيـــن دلّـــونــي

*     *     *

ابّين الخيم أمشي ركض      ومن التعب حيلي نزل

أربـع يتامـى امطرّحـه       ابخيل العده راحوا جتل

جاني الســوط بمتوني

بالجفــيـــن دلّــونـي

*     *     *

عبـاس أدري ابشيمتك        ما تحمل الذل والهظم

وأدري ابشهامة نخوتك        نبراس يا رمز الشيـم

ابسهم العين صابــوني

بالجفيـــن دلّــــونــي

*     *     *

لو تدري اشسوّه الشمر         ويّانه ابطـــول الدرب

السوط بيديــه يلتــوي         وبكل دقيقــه ننضرب

خويــه الكـوم هانوني

بالجفيـــن دلّـــونــي

*     *     *

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى