الكرامة الحسينية

موشح في رثاء علي الأكبر

للخيــم جابـوا اجنــازه امبـركعه

بيهــا جثـــه بالسيـوف امكطعـه

*     *     *

إلمــن اجنـــازه الإجــت ملفـوفـه

اعليهــا ليلــه املوّعـه وملهوفـه

اشحالها امكطع ولــدها اتشـوفـه

اتصيح يبني اعليك روحي املوّعه

*     *     *

آه يبنـي المـا شفــت مثلــه ولــد

احنيّــن ومزيـــون وبكلبي لبــد

راح يمشي ورجّعــوه ليّـه جسـد

جسـد واعظامـه بكسـور اموزّعـه

*     *     *

انشلع كلبي وطاح بين اضلـوعـي

ناري مــاتطفيهـا سيـل ادمـوعي

آه يادهـــري الطفيـت اشـمـوعـي

ضاكت ابعينـي الدنيـه الواسـعـه

*     *     *

زينــب اتكلهــا يليلــه هـيــدي

اتكلها ياعمـه الأمــر مــو بيـدي

اشلون اهيد اوراح منـي اوليــدي

امعوّده كل يــوم صـوتــه اسمعـه

*     *     *

ياعلي ردتـك او غيـــرك ماردت

آه يـولـيــــدي عليــك اتعــودت

يبني يالغالي لعد روحي امـردت

مـاي واتبــدّه بعــد شيجـمّـعـــه

*     *     *

يبني ربيتك اوردتــك لـي ذخــر

ردتــك اتبارينـي بسنين الكـبــر

ردتـك اتمددني ابلحـــد الكـبــر

مــاردت يبنـي الكـلبي تـشـلعــه

*     *     *

يبنـي و افّـادي انملخ مـن طلعتــك

وظلت اعيـونـي ربيـه الرجعتـــك

أنتظر ترجع وجابـوا اجـنـازتـــك

آه يـا كلبي بعـــد شيـهـجّعــــــه

*     *     *

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى