جتك البضعه الهظم عاليها
البنتك انشدها اشصار اعليها
* * *
من دفنها حيدر اواسه الكبر
التفت يم كبر النبي و يلفظ جمر
يبن عمي قيدتني بالصبر
هاك اخذ شوف الأمانه اشبيها
* * *
جتك الزهراء و محسنها سوه
يوم عصروها اهجست كلبي التوه
محسن اعلى الكاع ميت من هوه
اتألمت و اضلوعها امكسريها
* * *
وكعت اعلى الكاع و اتنادي ابونين
فضه لحكيني ترا طاح الجنين
ابساع ناديلي علي والد حسين
وآنا أسمع و إيدي امجتفيها
* * *
غصب جروني يبن عمي ابحبل
ما كدرت احميها من كوم العجل
امكسرات اضلوعها و يمها الطفل
و لازمه كسر الضلع بيديها
* * *
رحت للجامع اوياهم بالغصب
اخلافي طلعت تون مكسورة كلب
نادتك متكوم يا سيد العرب
شوف كومك بيه شموصيها
* * *
رد عليها العبد مشحون ابغضب
السوط بيديه النذل يمها كرب
متن بنتك يا رسول الله انضرب
فاطمه الدومك تحب إيديها
* * *
فاطمه الجانت عزيزه امدلله
تنضرب بالسوط يا سيد المله
منهو مثلي يا رسول الله ابتله
هذا كله و ماكدرت احميها
* * *
هاك اخذ مني الوديعه ام الحسن
خل تخبرك هيه عن باقي المحن
اتلوعوا شبلينها حسين و حسن
و زينب اتنادي اخذني ليها
* * *
