صد النبي للبضعه ابحسره اوّنين و دمعه
بنته الوحيده المظلومه بنته الوحيده
ايودّعها و اهيه اتودعه و جمره ابكلبها امولعه
بنته الوحيده الظلومه بنته الوحيده
اوداعه فجعها وماجف دمعها
* * *
إجت يم النبي الزهره ابكلب مصدوع
إجت يم الأبو كعدت تهل ادموع
تكله ابنومتك بويه أخذني الروع
يون كلبي الحالك ونّة الملسوع
كلها وعبرته ابصدره و سبكت كلامه العبره
انتي الضحيه المفجوعه انتي الضحيه
اتلحكيني عكبي ابفتره بضلوعج التكسره
انتي الضحيه المفجوعه انتي الضحيه
ابحالة وجعها ما جف دمعها
* * *
يبويه عمري ما ريده ارد اموت اوياك
اشيصبرني ينور العين على فركاك
يبويه من فكدت امي و لذت بحماك
ابحنانك ضمّدت جرحي اشلون اسلاك
ظلت تهل دمعتها يمه و تجر حسرتها
تبجي اعلى بوها ومالومه تبچي اعلى بوها
منهواليرد لهفتها و يهون امصيبتها
تبجي اعلى بوها و مالومه تبچي اعلى بوها
فكدت منعها وما جف دمعها
* * *
يكلها صبري من بعدي ينور العين
على ظيم اليجي من زمرة الطاغين
يهجمون اعلى بابج و انتي تنعصرين
و من صدرح يبويه ينكسر ضلعين
يدري النذل يتجسّر و بالحبل يچتف حيدر
يدري الوديعه ايعصروها يدري الوديعه
يحچيلها و يتحسشر اعلى اضلوعها التتكسّر
يدري الوديعه ايعصروها يدري الوديعه
الظالم صفعها و ما جف دمعها
* * *
يكلّلها اتعبت و الكوم آذوني
ردت أكتب بيان اولن يتهموني
صاحوا يهجر او عيوا يسمعوني
يبويه هالصحابه اچثير هظموني
بالصبر ضمدي اجروحي دمعج يلذع روحي
عكبي الوصيه اينكروها عكبي الوصيّه
لو شفتي فاضت روحي يم نعشي كعدي و نوحي
عكبي الوصيه اينكروها عكبي الوصيّه
ابكسرة ضلعها و ما جف دمعها
* * *
يودّعها او دمعته حركت اجفونه
يكلها اعدانه عدها احقاد مدفونه
يبويه چم ضلع إلنه يكسرونه
و جم بيت و سكن بعدي يحركونه
و الهجموا اعلى الزهره هما السبوا للعتره
سلبوا العقيله وضربوها سلبوا العقيله
محسن سكط بالعصره و عبدالله كطعوا نحره
سلبوا العقيله وضربوها سلبوا العقيله
ابظلم الفجعها ما جف دمعها
* * *