الكرامة الحسينية

وصية الإمام علي (ع)

ابهالوصيّه             اشلون بيه

من بعد عينك يغالي       آه من سود الليالي

ابهالوصيه             اشلون بيه

*     *     *

ياعلي ليلة وداعك       ريتها اعلينه تطول

أدري من يصبح فجرنه       يومك اعلينه مهول

اسمعتك اتوصّي يبويه       واعترى گلبي الذهول

منهو الوصّيته بيّه       اشوصّتك أمي البتول

من النوايب             گلبي ذايب

حيف دهري ما صفالي       آه من سود الليالي

ابهالوصيّه             اشلون بيه

*     *     *

من رحت ماشي للجامع       إرجعت محمول وجريح

اشلون ضربه اليتمتنه       وخلت الناعي يصيح

كلبي اتهاوه ابصدري       مثل ما يهوي الذبيح

وين اشوفك وين أزورك       بويه من تمسي ابضريح

اه يهيبه             هالمصيبه

أبد ما جانت ابالي       آه من سود الليالي

ابهالوصيه             اشلون بيه

*     *     *

ريتني عميه ولشوفك       شيبك ابدمك خضيب

جنت أظن هالجرح عادي       بالدوه يشفه ويطيب

لنه جرحك ماله طيبه       وعجز من عنده الطبيب

أرد اظل للصبح يمك       و اشم إيدك يالحبيب

انعكس دهري             وكسر ظهري

اتيتتمت منك يوالي       آه من سود الليالي

ابهالوصيّه             اشلون بيه

*     *     *

صد عليها ايكلها صبري       وصيري كعبه للمصاب

اتوقعي امن اليوم ورايح       حزن وافراكً الاحباب

دنيتچ كلها نوايب       بيها لوعات اوعذاب

چني بالكوفه أشوفج       اميسره بين الأجناب

ابكثر صبرج             يعظم اجرج

نادته والدمع هالي       آه من سود الليالي

ابهالوصيّه             اشلون بيه

*     *     *

طاحت اعليه تشم إيده       والدمع عالخد يسيل

اتكلّه أعظم كل مصيبه       فكدك اليهدم الحيل

ردت من عمري اعلى عمرك       ليلي من بعدك طويل

اشحالتي والفجر لو طر       بويه عن بيتك تشيل

والمنيه             مو بديه

اشلون أصد للنزل خالي       آه من سود الليالي

ابهالوصيه             اشلون بيه

*     *     *

صبري يا زينب يگلها       وهظمج اعلي ما يهون

صد على العباس گله       يبني يا نور العيون

هالله هالله ابزينب اختك       عگب عيني يالحنون

زينب التكفل حرمكم       والدهر بيها يخون

إعليه طاحت             بويه صاحت

غيركم بويه اشبگالي       آه من سود الليالي

ابهالوصيه             اشلون بيه

*     *     *

دار عينه على اعياله       ودمعته اتهل من العين

صاح بويه اوداعة الله       وعرگ من عنده الجبين

التموا اولاده ابكتره       من حياته امأيسين

وزينب اتگله يبويه       وين اشوفك بعد وين

يا عذابي           من مصابي

انهدم سور الجان عالي       آه من سود الليالي

ابهالوصيه           اشلون بيه

*     *     *

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى