الكرامة الحسينية

وصية الزهراء (ع)

ابظلام الليل      بهداي دفنونى

فكدت الحيل     واعداي ظملوني

اباب الدار     عليّه اشصار ‎

ابظلام الليل     بهداي دفنوني

  *     *     *

يبو الحسنين هاك اسمع     و صيتي و بالجره تدري

يبن عمي كرب موتي     و بكت ساعات من عمري

بعد ما تغمض اعيوني     تدارك يا علي أمري

ابتالي الليل غسّلني     اوسدني ابلحد كبري

حملت اهموم     والكوم آذوني

إجوني اهجوم     بالباب عصروني

اباب الدار     عليّه اشصار ‎

ابظلام الليل     بهداي دفنوني

  *     *     *

يحيدر شيل جثماني   امن أسلم الروح للرحمان

لا يحضر التشييعى   ولا واحد من العدوان

بس عمار و المقداد    و حسن و حسين او سلمان

أريده يختفي كبري   علي لو هلتوا التربان

نوالي الموت     بيديه الفرعوني

تلوه السوط     بكفاي وامتوني

امن اجه الغدار     عليه اشصار

ابظلام الليل       بهداي دفنوني

  *     *     *

و بعد أوصيك ابأولادي   عكب عيناي باريهم

بعدني مشبعت منهم   و روحي امعلّكه بيهم

من يبچون سكتهم   و على فركاي سلّيهم

يعز اعليه فركاهم      وكلبي امكطع اعليهم

بچوا لبچاي      ابيوم ضربوني

و سطرني افلان      بيديه على اعيوني

سطرني امرار      عليه اشصار

ابظلام الليل      بهداي دفنوني

  *     *     *

لعد زينب توصّيها      تكلها اتكرّبي يمي

يزينب من صغر سنج      ورثتي حزني او همي

لو شفتي الحسن مسموم      على افراش الأجل مرمي

ترى چبدي مثل چبده      و نزيف البالطشت دمي

الحسن لو مات      مسموم عزوني

تره السمّوه      من البيت طردوني

الظلم دؤار      عليه اشصار

ابظلام الليل      بهداي دفنوني

  *     *     *

إلج موقف ابيوم الطف     و ساعاته اشكثر مُرَه

يجيچ حسين يتوادع     وحيد او لحد اينصره

دسلمي لي على ابن امج     و قبليه عني ابصدره

و كبل ما يمشي يا زينب     شمي خيّچ ابنحره

على ابني الماي     منعوه وفجعوني

و سيف البيه     ذبحوه ذبحوني

من الأشرار عليه     عليه اشصار

ابظلام الليل      بهداي دفنوني

  *     *     *

يزينب و ابظهر عاشور     تمر اعليج جم لوعه

شباب امطرحه يمچ     و منها الروس مكطوعه

ابدماه يتخضب العريس     و أمه عالكه اشموعه

تجيچ الخيل تتراكض     لخوچ اتكسر اضلوعه

عزيز الروح         وياه رضوني

سمعته ايصيح     عطشان روّوني

الدهر غدار        عليه اشصار

ابظلام الليل      بهداي دفنوني

  *     *     *

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى