الجزء العاشر

وفاة النبي الأكرم صلى الله عليه وآله 1

أودّعـكـــــم       جهلتوني

نصحت الكم       خذلتوني

تشوفوني أجي المحشر تشوفوني

توافوني على الكــــــــــوثر توافوني     أودّعكم

                   *****************

                   النبيّ المصطفى استيقن گرب يومه

                   نظر نظرة أسف لصحــــــابه أوگومه

                    لگاها اوجوه مافلحت ومشئومـــــه

                    يناديهم بگت لي ساعه محتومــــه

                   أوصّيكم             ابها الثقلين

                   يوحّـدكم            قـوام الدين

                      راعوني ابها الثقلين راعوني

                      لتاذوني بأحبابي لتـــــاذوني      أودّعكم

                        *****************

                 أقدّمها نصيحه الكل شخــتص جاني

                 خل يكفّر عن اذنوبه العمـــــــر فاني

                  يا هالتطلب قصاص إقدم لتخشــاني

                  على رد المظالــــــم ربي وصّــــاني

                   عقــــائدكم            لتنسوها

                   وشعايركـم            تأدوهـــا

                    تعرفوني أنا الهادي تعرفوني  

                    لتنسوني بزيارتكم لتنسوني        أودّعكم

                         *****************

               سواده گام ينادي واعلن باسمه
               إلى عندك ظليمه يا نبي الأمــه
               أريد اقتصها منّك وأطلب الرحمه
               يگلّه تفضّل اقتص وارفع الزحمه
               اخـذوا مني           مظالمكم
              خلص مكثي          ابعالمكـم
              اعذروني إذا أخطأت عذروني

               وجلدوني إذا تردون جلدوني     أودّعكم

                     *****************

                   صعبه هـــاي عالأمة وحگ إسمك

                  عگب زين العملته بعفوك اوحلمـك

                  تجي كالمذنب اتريد الملا تقومــــك

                  حاشى سيدي الباري رفع نجمــك

               رجع  گـال            أناشــدكم   

               إلي اعيال          تظل عدكم

               دحفظوني ابهالعيله دحفظوني

               تهظموني بهظم بنتي تهظموني         أودّعكم

                         *****************

              هذي اوصيّة الهــــــادي سمعناها

              بعد عدنا وصيّه مـــــــا نسينـــــاها

              گال حسين للشيعــــــه اوصّـــاها

              هد حيلي الظمه والروحي چوّاها

              انذبح طفلي         على إيــدي

              الگلب يغلي         على اوليدي

          دذكروني بشرب الماي ذكروني

          حرموني ابوكت الموت حرموني         أودّعكم

                        *****************

         يشيعه والشّمر يوم الركب صــــدري

         حط سيفه ابرگبتي والدمـــا يجـــري

         على وجهي چفاني وظل يحز نحري

         متت عطشان وبكتري النهر يجــــري

          ابها الدمعه           أجـازيكم

         مثل شمعة          التضوّيكم

          دروّوني ابهالدمعـــه دروّوني

          توافوني على الكوثر توافوني          أودّعكم

                       *****************

                                    تمت

 

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى