ياغريب الكوفة
الشيعه تهديك السلام ياغريب الكوفه
جيتها ضيف اوأهلها بحبل سحبوك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
امصيبتك صعبه يمسلم جيت للكوفه سفير
رحّبوا بيك اوتفانوا بينهم صرت الأمير
إجه الشيطان اوگلبهم وصرت بيديهم أسير
طالبوك ابسفك دمّك بعد ماظل لك نصير
ضاهدك حرّاظمه وچبدتك ملهوفه
ماشربت الماي عمدا منه منعوك
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
ايگلّك ابن ازياد عندي إلك قتله ماسدت
وابسطح قصر الإمارة مع المأمورإصعدت
الناحية مكّه الشريفه للوداع اتوجّهت
ياحسين اوداعة الله روحي هالساعه انتهت
الگوم أخذتني ابغدر ويمنتي مچتوفه
سيدي وخوفي عليك الگوم إیغد روک
وابن ا لاشعث گطع راسك وذبّك امن اعلى الگصر
ابدال ما يشيعون نعشك ويدفنونك بالگبر
بالحبل سحبوك ميّت رادوا إيشيع الخبر
يوصل حسين إبن عمّك هذا گصد اهل الغدر
ناس ما عدهم ذمم بالحيلْ معروفه
بالسكك والسوگ داروابيك جرّوك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وابو اليمّه سمع بيك إترحّم اعليك ابألم
مسح بيده راس بنتك ابساع حسّت باليتم
اتگلّه عمّي البگه ابراسك حيلي ياعمّي انهدم
من يدلّيني اعلى گبره أرد أزور ابو الشّيم
ودارت أيّام اليسر گبرك لنها اتشوفه
طوعه دلّتها اعلى گبر البيه دفنوك
غدت تتلوّه اعلى گبرك والدمع يهمل جمر
سكنه ناد تها حميده عفت ابوي ابلا گبر
الخيل جالت فوگ صدره انگطع راسه امن النحر
وراسه فوگ الرمح یمشی اویای بید ین الشمر
منهی مثلی املوّعه جسم ابوها اتعوفه
وتمشی ویّه اعداه حرمه ابخدر مهتوك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
إجتهم أمّ المصايب حايره وتهمل العين
ياهي اتعزّيها أوّل بنتك لوبنت الحسين
ضمّت الثّنـتين صاحت آه يا فجعة البين
احسين وصّاني عليكم رحموا گلبي امن الونين
راح من عدنه الحسين وبوالفضل واچفـوفـه
ياغريب الكوفه ثارك موش متـروك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ تمت