للأربعين 2
يابن امي اجيتـــــــك ملهوفة اعتنيتك
على الغبره عفتــــك ابگبرك لگيتـــــك
اعلى خوتي وبنيني شيسكّن ونيني
ملهوفة اعتنيك
*******
رجعت امن اليـسر وعيـوني تنتـظــــرك
تخيـّلتـك تـفـزلي مبتســـــــــــم ثـغـرك
إشلـون اتفـزلي واگبـالي انگطع نحـرك
وشفـت الخيـل تتراكــــض على صـدرك
أريـد أنعـــــاك وبدمـوعـي أرش گبـــرك
ردت ياخـويه من عمـــري علـى عـمـرك
يريتـــــك تــــراني حيّـرني زمـاني
إجيــــت أشتكيلك عـدوّك سبـاني
ظل ستري يميني شيسـكّن ونـيني
ملـهوفـة اعتنيتك
*******
إنهظـمنه من بعـدكم والهـظــــم چتّـال
خـذونه البـلدة الكـوفه حـــــرم واطـفال
وعلي السجّـاد مشـدودات إيديه بحبال
وتتصـدّق عليـنه ابـزادها الأ نـــــــــذال
وابن مرجـانه يتفـاخر علينـه وگــــــــال
فضـحكم ربـكم اوصرتوا ابهــــذا الحـال
بالكوفه سبونــه وحاكمها أبـــونه
حرگوا خيمنـــــه من سلّبـــــــونه
يزهرة اسنيني شيسكّن ونيني
ملهوفه اعتنيتـك
*******
وصلنـه ابهـالكسـيرة والهـظم للشــــــام
وتلـگّونه أهلـها بـالطّــبل واعــــــــــــدّام
يخويـه انصـاب گلبي ابضـربة أم اهـــجام
يسـمّونـه خــــــــــــوارج ديــن هـالظــلاّم
ومن ضـرب العصـي تتصـــــــارخ الأيتـــام
ليزيـد امن إجينــــه متشـمّت علــــــينه
يتـهـزّأ يگلّــــــــــي أخـوچ اليـوم ويــــنه
يجـمرة حنـــــــيني شيسـكّـــن ونـيني
ملهـوفه اعتـنيـتك
*******
شـتمني ايزيـد اويتفــاخر ابديــــــوانـه
وراسـك بالطشــت شفــناه وبچّـــــانه
وشـال السـوط ابئيده ايكسـّر أســنانه
وتعـدّه إحــدوده اوخــــــدّام ســوّانـــه
اوراد إيبـيع الصغـرى البعـض أعـوانـــه
نهـرتـه وظـل يسـبني وطـــوّل إلسـانه
بعدهـالمصــايب گـعّـدنه ابخـرايب
لن صرخت رقيّه أبويه وين غـايـــب
يـاعمّه اخبريني شيسـكّن ونـيني
ملهـوفه إعتنيـتك
*******
وجـابوا راســك المگـطــــوع للطّفــله
عليـه طـاحت تعتــبه ونـو بٍ إتقـبـــله
يبـويه اويـاك إخـذني الراســك اتگـــلّه
ورم چتــفي وضـرب السـوط ماحمـــله
شـلي ابعمـري يبـويه ابعيـشة الـذلّـه
اوفجـأة مـاتـت الطفــله بـلا مهـــــــلـه
رقيـّه الحبيـبـــــــه إنـدفنـت غريـــــبه
وكل ساعه تمرني يابن امـّي مصيـبة
ابمصيبه التجيني شيسـكّن ونيـني
ملهوفه اعتنـيتك
*******
اوجبـت العـايلـه وجينــاك محــــزونيــن
علـى گبـرك گعــدنه نجري دمـع العيـن
وكل وحــده تنــادي حسيـن آيحسيـــن
صــار الأربعــين اليــوم يـاعيــــــــــــيّن
من بعـد اربعيـنك ويـن أروحـــــــن ويـن
أرد يثرب ينشــدونـي أخوتــــــــچ ويــن
إشأردّ ابجـــــوابي عن غيـبة أحبـابي
وابسـدّة نزلـــــكم يتكـاثر مصــــابـي
إلهي انت معـيني اشيسـكّن ونيــني
ملهـوفه اعتنيـتك
÷÷÷÷÷÷تمت ÷÷÷÷÷÷÷÷÷