مجيء السبايا للأربعين
يا مظلوم اتلكّه الظعينه
يا مظلوم زوّار اجـــينه
* * *
يخويـه العاده معروفـه التجيه احبابه اتشوفـه
يكوم ويكرم اضيوفــــه اجيت ابروح ملهـوفــه
حرمه ابعيله مكـلـوفـه ومرار الشّــام والكــوفه
يا مظلوم جيتك حزينه
يا مظلوم زوّار اجـــينه
* * *
يخـويه يوم عفنــاكــم ضحايـه ما دفنّـــــاكم
على الهزّل ندبنــــاكم بليّه روس شـفنـــــاكم
ردنه انبــات ويّــــاكم علـينه العصــي تتراكم
يا مظلوم ما صح بديـنه
يا مظلوم زوّار اجـــينه
* * *
اجيت امن السبي حرمه امتوني من العصي امورمه
وحرم ويّـــاي منهظمـه وحده اتصيــح يا يمّـــه
الكبر اولـــيدها اتشمّــه اوّحده اتنوح واتحشمـه
يا مظلوم ما تدري بـينه
يا مظلوم زوّار اجـــينه
* * *
يخويـه جيت ولهــانـه على شــوفك يملفـانــه
يزيــد اشـسـوّه ويّـانــه ضرب راســك او بجانه
وشـتّمنـه ابديـوانــــــه ابخرابه انبات خلاّنــه
يمظلــوم تنخاك اسكينه
يا مظلوم زوّار اجـــينه
* * *
المصــاب الماجــره مثلـه رقيّــــه فزّت ابغفلـــه
تصــيح المدمــع اتهلّــه ابحضنها راسك اتقبلـه
يخويــه وماتت الطفلــه الحزن ما كدرت اتحمله
يا مظلــوم كبّــر بجـينه
يا مظلوم زوّار اجـــينه
* * *
يخويه من شفت كبرك اذكرت يوم انكطع نحرك
وخيل الهشّمت صدرك ردت عمـري فده العمـرك
أريـد اتوسّــد ابكتــرك يوسـفه فاركــت بـــدرك
يا مظلـــوم بلوه ابتلينه
يا مظلـــوم زوّار اجـينه
* * *
يخويــه جيت اشكيلك ابمرار الشّـــام احجيــلك
علــى هظمــة مدالـيلك عتب كل يــــوم اودّيـلك
مــرّه ابجــي وارثــيلك ومــرّه اصـــد لـعلــــيلك
يا مظلـوم يصعب علينه
يا مظلوم زوّار اجـــينه
* * *
يخويــه جـيت محنيّـه من ظــيم الجــره اعليّـه
مهظـــــومه ومسـبيّــه ولا واحــــد نهــض ليّه
وكـــال اختي بمهظميه لكــيت اكبـــــور مبنيه
يا مظلوم ردنه المديـــنه
يا مظلوم زوّار اجـــينه
* * *