ذكرينـــي ذكرينـــي يا والـــده ذكرينـــي
دمّ الشهاده اخضابـي يا يمّــه لا تنسينــي
* * *
شفتـي يا يمّـــه الوالــد وابحجــره من خلاّنــي
وابئيـده يمســح راســي قبّلنـــــي اوّصّــــانــي
أفــدي حياتي وروحـي العمّـي و كـل وجدانــي
ثوب الشهـاده اتلبســه كلّــي او بيـــه هنّانــي
تدرينـــي تدرينـــي أوفـي العهد تدريني
وابمحنتي وامصـابي يا يمّـــه لا تنسينـي
* * *
عشــت اليتـم واظروفــه وراح الأبـــو والوالــــي
كليوم أشــوف ادموعــج عالخــد تسيــل اكبـالـي
اتناغينــي واتلــوليلـــي ابحجـرج ييمــه الغالـي
يحبيّـــب اتنـــادينـــي انــت بـــدر آمــالـــــي
اتشبكيني اتشبكيني والصـدرج اتشبكينـي
حجرج صفه محرابي يا يمّــه لا تنسـينــي
* * *
اسنين الرّبـــه اذكرهـــا عايش ابدمعـــة عينــج
روحي او روحج صـارت فـد روح بينـــي وبينــج
عشت ابحنـان انفاســج اتباريني طــول اسنينــج
يمّــه اشلذيــذه وحـلوه ساعــه الأحــب ايدينــج
اتقبلينــي اتقبلينـي وابوجنتي اتقبلينـي
انتي أعــز أحبابــي يا يمّــه لا تنسينــي
* * *
ويـــاج عشـت اسنينــي ابحلو الدهـر وامصابــه
مــا يــوم فــاركتينـــي منهــو اليعوف احبابـه
لكــن ييمّـــه ابكلبــــي نــــار اليتـــم لهّــابــه
محـروم مـن هـالكلمـــه محــروم اكولن يــابــه
اتزفّينـــي اتزفّينــي اتمنّيتــي اتزفّينــي
صار الجفن جلبابـــي يا يمّــه لا تنسينــي
* * *
من جيـت أودعـج يُمّــه كلبـي انكســر لدموعـج
ابوجهي شبحتي اعيونج حسّيت يُمّـــه ابروعـج
من كمتـــي اتودعينـــي يُمّــه تغـيّــــر نوعـــج
حسّيت انــا ابحسـراتج يـوم الحنيتي اضلوعــج
عذرينـــي عذرينــي ما ظن أرد عذرينــي
لوشفتي يمه اصحابي يا يمّــه لا تنسينــي
* * *
ابثـوب الشهــاده يُمّـــه اثنينّــــه نتشـــــــارك
هالثـوب نسـج ادمـوعـج ثــوب الفخر وامبــارك
رايـــح اطب الحومــــه ومنــي العمــر يتــدارك
لو شفتـي دمي اخضابي ابثـوب الشهاده اتبـارك
هنّينـــــي هنّينـــــي ابثـوب الفخر هنّينـي
ابهالثوب جان حسابي يـا يـمّــه لا تنسينــي
* * *
كعدي اعلى كبري وحنّي واسكينـي دمع اعيونــج
واطفــي جمـر حسراتـي لـو جـولــج ايعزّونــــج
عطشــان لــو ذبحـونــي يا مـن كطعتي اظنونــج
فوضـي الأمـــر للبــاري ابذبحي من ايفجعـونـج
روّينــــي روّينــــي من دمعتـــج روّينـي
يامن عرفتي اصوابي يا يمّــه لا تنسينــي
* * *