خرابة الشام
كلبي يـود شـوفـة هله ويــن الأهــــل ويـــن
ابنفسي أروح الكربـله أنـشـد عـلـى حـسـيـن
عفناه على ارمال طال السفـر طـال
ويـن الأهـل وين ويـن الأهـل وين
* * *
ويـن الأهـل عندك أمل كلبي يخـــــايـب
هالطـــاغي اعليـنه فرض نسكن خـرايـب
لا باب بيها لا سكف بين الأجــــــــانب
جم دوب نبكه ابها السجن نحمل مصايب
منهو مثل كلبي ابتـله ضـــاك الأمـــرّيـــــن
سمّ وجتل مـتحـمّـــله و كـســرة الضـلـعـيـن
قاسيت الاهـوال طال السفـر طـال
ويـن الأهـل وين ويـن الأهـل وين
* * *
من الشــام ياعمه علي سوك الظعيــــــنه
اليمتــه نظـل ابهــالخرابـه ساجنيــــنه
ننصب عزانـه من نطب أرض المديـــــنـه
ازيـارة حسيــــن وشوفتـه عنّت عليـــنه
وراسه اويانـه نحمـله و روس الـمـيــامـيــن
ندفنهم ابطـف كربـله يــــوم الأربــعـيــــن
ما ظـل إلي حال طال السفـر طـال
ويـن الأهـل وين ويـن الأهـل وين
* * *
للطّــــاغي كلّه انريد ناخذ روس البـدور
للغـــــاضريه اويـانه ندفنهم بالكبــــور
اشتكنه لهلنه افراكنه اوياهم ابعاشــــور
نكضي اربعين حسين ابوك المات منحــور
عفناه اعظامه امفـصـله ابــدوس الـمـضـلّـيــن
وعباس جثه امجـدّلـه مـكـطـــوع الـيــديــن
وبينه الظعن شال طال السفـر طـال
ويـن الأهـل وين ويـن الأهـل وين
* * *
عباس يم شاطي النهر ظل جسد ممــدود
يــوم التعنّـه المشرعـه عرفتـه ميعــــود
طاح العلم من إيده يوم اتمزّك الجـــــود
وسفه هوه للكـاع من ضربـة العامـــــود
يوم الـمـشينـه بالفـله ظــل كـرة الـعـيـــــن
كتـله يسـور العـايـله بـالغـصـب مـاشـيــــن
و خابت الآمـال طال السفـر طـال
ويـن الأهـل وين ويـن الأهـل وين
* * *
مشتاكه لهلي والكلب ظــل يشتعل نـــار
كلسا الحرم تنشد متـى انغـادر هالديــار
عنّت علينه اوجوه اهلنه و ذيج الأنــوار
ذابت يعمّه اكلوبنه من جــور الأشـــرار
الأطفال تبجي ومعوله اتـهل دمـعـة العـيــن
هالسفر هذا امن اوّلـه بـيـه هجـمـة البـيــن
رحموا هالاطفال طال السفـر طـال
ويـن الأهـل وين ويـن الأهـل وين
* * *
وين الأهل ظلوا براضـي الطف ضحـــايه
للديـن كلهـم جـــاهدوا مـاتوا ظمـــــايه
يم النهـر ريت النهـر لن نشف مـــــايه
وابشـاطي نهر العلكمي طـاحت الرايـــه
راح العـلم واليـحـمـله و فــزعــت الصـوبيــن
حركوا الخيم والعايـله مــا بـيــن نـــاريــــن
سلبوهـا الانـذال طال السفـر طـال
ويـن الأهـل وين ويـن الأهـل وين
* * *
من الشـام طلِّعْنه ابعجل بيها انهظمنـــه
نـاخذ يتـامـانه ونزور اكبـــــور اهلنــه
أرد اخبر المظلـــــوم وأشكي له ألمنــــــه
وانزور اهلنه اهل الوفه واهل المحنّــــه
جم دوب اظل امنحـله و اصـفـج بـاليــديـــن
شفت المصايب والبـلـه مـا ظـل لــي امـعيــن
انسافـر بالعيـال طال السفـر طـال
ويـن الأهـل وين ويـن الأهـل وين
* * *