الكرامة الحسينية

دخول سبي أهل البيت إلى الكوفة

جــور الأيــام            ايسجّــل آلام

الكوفة حيـدر         ندخل يسّـــر         بيدين الظـلام

*     *     *

أهــل بيت النبـي الأيــام غدرتنـــه

كبـل حكّــام إحنــه بيج يكوفتنـــه

اشكثــر أيــام حلـوه اهنــا وافتنــه

أبونــه حاكــم الكوفـــه وخليفتنــه

بعـد الكـــرار            بالكوفه اشصار

خانــوا بينــه         يوم الجينـــه        وذاك العز مادام

*     *     *

يكوفــة حيــدر الكـــرار نكرتينـــه

إجينـالج يســاره ايزيـــد سابينـــه

أبونــه اليطعـم الجــايع تعرفينـــه

اليـوم الناس إجت تتصـدّق اعلينــه

دهــر الغــدّار                سلّـط أشــرار

مــا راعونـــه         مــن سلبونــه      ما خلّوا علينه اخيام

*     *     *

يحيدر آنــا زينـب جيــت للكوفــه

يسيــره امسلّبـــه والإيــد مجتوفــه

وراس حسين بيديـن الشمــر شوفـه

وظل عباس رميّـه امكطّعه اجفوفـه

سوّه ابن ازياد               بينه اشما راد

وسوط الحادي         رايـح بـــادي      مرعوبه منّه الايتام

*     *     *

يبويـه واخــوتـي راحــوا وخلّونــي

وحرمهم واليتــامـى بيهــا وصّونــي

وتاليهــا العــده يـابويــه سلبونــي

من ابجـي علـى حالـي يضربونــي

دهـــر الميّــال           ما ظل لي حال

سهـم الغربــه         يصعـب طِبـّـه     وجرح الغدر ما يلتام

*     *     *

يبويــه واعـــدتنـي وانـت تتألــــم

ابيوم الصاب راسك سيف ابن ملجم

تجين الكوفـه كتلي والدمــع يسجم

وللعبـــاس اتكلّـــه ابزينب اتلــزّم

ظـل العبــاس            مكطوع الراس

ابشاطي النهر         ظــل الكمـــر       مطروح جثّه الضرغام

*     *     *

يبويـــه الواعـــدتنـي بيــه وافانـي

ودهري الجلسـة ابـن ازيــاد ودّانـي

عليّــه طـــوّل السانــــــه وآذانــي

راس حسين بيـده ويشتـم اخوانــي

يتهزّه وصــاح               كل عزّج راح

شوفـي الدهـر         بيـج اشعمـل      عزّج مضى اويا الأيام

*     *     *

 

 

 

 

 

 

 

 

 

 

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى