زينب ساعة مقتل الحسين
ريــت اويـــاك ذبحونــي
آ يحسيـــن يعيـــــونــي
* * *
شيصير كلب اختـك بعــد ذبحــوك يمــي وانظــرك
أصـرخ يخويــه وانتحــب والشمــر يكطــع منحـرك
صحت ابصـوت رحمـوني
آ يحسيـــن يعيـــــونــي
* * *
عفيه اشكثر عنـدي جلـد من شفتك افـادي انخمش
سيف الضبابـي ابركبتـك أسمع تنادي امـن العطش
ابشرب المــاي ذكرونـــي
آ يحسيـــن يعيـــــونــي
* * *
أدريـك عطشــان الجبــد يومين ما ضكت الشــرب
لا مـاي عنــدي اشرّبــك لا حيل عندي او لا كلب
أصـــرخ مـــا يسمعونــي
آ يحسيـــن يعيـــــونــي
* * *
سهـــم المثلّـــث كلّفــك ثلثين كلبـك بيــه طلــع
وجاك الضبابي ابقسوتــه والمنحــرك خويـه كطــع
منــك حيــف حرمونــي
آ يحسيـــن يعيـــــونــي
* * *
ذبيت روحي ارد احضنك وادفع شمر عــن جثتــك
هــوّه الدفعنـي بالـرمـــح صارت اكبالي ذبحتــــك
خويـه بيـــك فجعونـــي
آ يحسيـــن يعيـــــونــي
* * *
صدّيـــت لـمّـي أشتكـــي شوفـي لحسيـن وحالتـــه
يابس السانـه مـن العطش والشمــر يكطــع ركبتـــه
يُمّـــه ابســاع لحكونـــي
آ يحسيـــن يعيـــــونــي
* * *
ريتــج يزهــره حاضـــره اتشوفين الحسين انذبــح
داس الشمر صدره وكطـع راســـه وعــلاّه بالـرمــح
ابكطـع الــراس مردونــي
آ يحسيـــن يعيـــــونــي
* * *
وينـــك يحيـــدر يا علـي ذبحوا حسين أهل الغـدر
بالكـــاع ظلـــت جثتـــه والـراس بيــدين الشمـــر
وحــدي ليــش عفتونـــي
آ يحسيـــن يعيـــــونــي
* * *