عـوّد يـعـاشـــور شهرك عـوّد يـعـاشـــور
غـيّـب لـي بـدور شهرك غـيّـب لـي بـدور
و اشجم ظـهر مـنّـه انكسر بالغاضريه
و طـاح الخدر ويّه الكمـر بالعلكـمـيـه
عـوّد يـعـاشـــور شهرك عـوّد يـعـاشـــور
* * *
يعاشور اكسرت ظـهري و ظهر حسين
يــوم الطــاح ابـو فـاضـل بـلا جفـيــن
ظـل حـايـر ابـو اليـمّـه يـديـر العـيـن
يناديه اكسـرت ظـهري و مالي امعيـن
يا فخر الاخـوان خويه يا فخر الاخـوان
شمـتت العـدوان خويه شمـتت العـدوان
غـاب الـبـدر و اظـلمّـت الدنيـه عليـه
و طـاح الخدر ويّه الكمـر بالعلكـمـيـه
عـوّد يـعـاشـــور شهرك عـوّد يـعـاشـــور
* * *
يـعـاشـور الكـدر خـيّـم علـى العـيـله
اعلى خيّي الودّع ابنه ومدمعه ايسيله
و علـى ردّة الأكـبـر تـنـدعــي لـيــله
رجـع ظـامـي لبـوه العـطـش يشكيـله
مـا نملك الـمـاي يبني مـا نملك الـمـاي
متلاهبه احشاي يبني متلاهبه احشاي
رد للحرب ظـامـي و الروحه هاي هيّه
و طـاح الخدر ويّه الكمـر بالعلكـمـيـه
عـوّد يـعـاشـــور شهرك عـوّد يـعـاشـــور
* * *
الهـواشــم ردّوا النـه ابـجـثـة الأكبـر
اوردّ اويــه الجـنـازة حسيـن يتـعـثـر
اجـت ليــله الـولـدهـا شافـتـه امـوذّر
تـكـله ابـروحـتـك كـلـب أمك اتفـطـر
أمـك و أنـاديــك يبني أمـك و أنـاديــك
بعيونـي أفـديـك يبني بعيونـي أفـديـك
وانطفت شمس المصطفى الجانت مُضِيّه
و طـاح الخدر ويّه الكمـر بالعلكـمـيـه
عـوّد يـعـاشـــور شهرك عـوّد يـعـاشـــور
* * *
وعرس جاسم ترك حسره بأثر حسـره
هـالـوحـيّـد الأمّـه و انـبـتـر عـمـــره
علكـنـه اشمـوعه و اتحنّه ابدم الطبره
رد حسـيــن ابجثـتـه حاضنه ابصدره
بعده غصـن بـان جاسم بعده غصـن بـان
شـمـعـة الشبـان جاسم شـمـعـة الشبـان
مـن دمّـه جـاسـم للحسـن ودّاه هـديّـه
و طـاح الخدر ويّه الكمـر بالعلكـمـيـه
عـوّد يـعـاشـــور شهرك عـوّد يـعـاشـــور
* * *
وراح حـسـيـن للحـومـه الطـفـل بيـده
يـكلـهم ابني ظـامـي و الظـمـه ايجيده
رمـاه الطـاغـي ابنـبـله و كـطـع جيـده
اشحـالـه اليـذبـحـون ابـئـيـده اوليـده
ما صار مـظـلـوم مثله ما صار مـظـلـوم
بالنبله مـفـطـوم طفله بالنبله مـفـطـوم
رد بيه مـيّـت مـن أجـل كـطـرة امـيـه
و طـاح الخدر ويّه الكمـر بالعلكـمـيـه
عـوّد يـعـاشـــور شهرك عـوّد يـعـاشـــور
* * *
يـوصّيـنـي ابن امـي و خنكـتـه العبره
و مشـه للحومـه لن خالي رجع مـهره
رحـت لـه و الشـمـر كاعـد على صدره
صحت صوت ابهلع لحكيني يالزهـره
ليتـج تحضـريـن يمّـه ليتـج تحضـريـن
شوفي ابنج حسين يمّـه شوفي ابنج حسين
مكطوع راسه امن الكفه و جثته رميّـه
و طـاح الخدر ويّه الكمـر بالعلكـمـيـه
عـوّد يـعـاشـــور شهرك عـوّد يـعـاشـــور
* * *