الجزء التاسعالكرامة الحسينية

زينب وهلال محرم 2

 

اهلال الـمصـايب و البـله          اشخليت عنـدي ابكربـله

شهر الكدر و احزان          شهر الكدر و احزان

*     *     *

هـلّيـت يـا شـهـر الكــدر          تدري اشفكدنه ابهالشهر

عـبـاس طـاح اعلى النـهر          و انكطعت اجفـوف الكمـر

وحسين ظـل حيران          وحسين ظـل حيران

*     *     *

راح الحسيـن الـمـشـرعـه          شـاهـد عضيـده ابمصرعـه

شـاف الجـفـوف مكطـعه          و ظـهره انكسر بالفاجعـه

يـا فـرحـة العـدوان          يـا فـرحـة العـدوان

*     *     *

صـارت مـنـاحـه بالخيـم          مـن طـاح شـيـّــال العـلـم

الأطفـال تصـرخ و الحـرم          عـبـاس يـا راعـي الشيــم

يبجي الطفل عطشان          يبجي الطفل عطشان

*     *     *

و الأكبـر ابـيــوم الـطـلـع          ونوره على الحومـه سطـع

وللخيمه الأكبر مـا رجـع          و كلـب أمّـه اعليه انكطـع

مـن وكع بالـمـيـدان          مـن وكع بالـمـيـدان

*     *     *

راح الحسـيـن الحـومـتـه          عـالكـاع شـاهــد جـثـتـه

آ يـالشـبــاب و كـسـرتـه          الشبـان شـالـوا جـنـازتـه

جـابـوهـا للصـيـوان          جـابـوهـا للصـيـوان

*     *     *

وجاسم اجه الأمّـه ابدمـع          يـهمـل و كـلبـه مـنـصـدع

اتكلـه و كلبـها مـنـفـجـع          يـبـنـي علكـنـا لك شـمـع

العرسك يغصن البان          العرسك يغصن البان

*     *     *

جـسـام يا نـجـل الحسـن          خل العرس و البس كفــن

عرسك يظـل طـول الزمـن          مشعـل بـطـولات و شجـن

يا شـمـعـة الشـبـان          يا شـمـعـة الشـبـان

*     *     *

و حـسـيـن ودّع عـيـلـتــه          وكفـنـه انـتـانـي جـيّـتـه

رد مـهره يعلـن طـيـحتـه          يصـهـل و تهمـل دمـعتـه

يم خيـمـة النـسـوان          يم خيـمـة النـسـوان

*     *     *

و اعظـم مـصيبة يـا شـهر          طـاح الحسيـن مـن الـمهر

و اتـربّع ابصـدره الشـمـر          و انكطـع راسـه من النحر

واشـتعلـت النـيـران          واشـتعلـت النـيـران

*     *     *

و النـار شـبّـت بـالخـيــم          فـرّيـنـه أطـفـال و حـــرم

نادينـه ويـن اهـل الشـيـم          مـا يـدري شـيــال العـلـم

اشعذره كمر عدنـان          اشعذره كمر عدنـان

 

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى