الكرامة الحسينية

علي بن الحسين الأكبر

طـفّـه البين شمعتـنـه

آ يـا نـار فـجـعـتـنـه

*     *     *

اشبـول الهواشـم للخيـم          جابوا اجنازه امبركـعـه

كالـوا علي الأكبـر رجـع          للخيـم جـثـه امكـطّـعه

نـار الشـاب حركتنـه

آ يـا نـار فـجـعـتـنـه

*     *     *

طـلعـن مـن استار الخيـم          أمّـه الحـزينـه و عـمـتـه

وحده تجس نبض الكلب          وحـده تـقـبّــل وجـنـتــه

اتصيح اشلون عيشتنه

                         آ يـا نـار فـجـعـتـنـه    

*     *     *

زينب تـنـادي يـا عـلـي          مصبـاح عيلتـنـه انطـفـه

قـنـديـل يزهـي بالخيـم          وجـهك يَشِـبـه المصطفـى

يمصـبــاح عـيـلـتـنـه

آ يـا نـار فـجـعـتـنـه

*     *     *

يا أغـله من نـور البـصـر          يا من رتعـت ابمهجـتـي

يـوليـدي ردتـك للـكـبـر          اتشـيـّع ييـمه اجنـازتـي

الدنيه ليش غـدرتنـه

آ يـا نـار فـجـعـتـنـه

*     *     *

يبنـي تسـع تـشـهر ألـم          قـاسـيـت أيـام الـحـمـل

يا مـن ذخـرتـك للـدهـر          حيف انكطع يبني الأمل

نـار البيـن حركتـنـه

آ يـا نـار فـجـعـتـنـه

*     *     *

تدري اشكبرهـا فرحتـي          من شـفـتـك ابيـوم السعد

يا عـلـي و تشـبـه للنبـي          وليّـه صـرت نـعـم الولـد

صارت وين فرحتـنـه

آ يـا نـار فـجـعـتـنـه

*     *     *

ضـدني زمـانـي يـا علـي          ويـاك جـيـت الـكـربـلـه

جابوك إلي امكطّـع وصل          و عـظـامـك الـمـتـفـصـله

كوم او شوف محنتنه

آ يـا نـار فـجـعـتـنـه

*     *     *

 

 

 

 

 

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى