الكرامة الحسينية

فزّاعيه

راس حسين بيد الشمر          مأجـور يا حيـدرعلــي

*     *     *

زيـنـب لبــوهــا نـادتــه

ابـنــك الـكــوم اتـولّـتــه

بالخـيـل صـدره داسـتـــه

شفـت الشمر كاعد على صـدر الولـي

*     *     *

يمّه الضبـابـي مـن كـصـد

اتربّع على صـدره و كعـد

وامن الظـمه جبده انمـرد

اجروح البجسمه يا علي ما تنحصي

*     *     *

راس ابنـك ابئيـد الشـمـر

فـرحـان بيـه او يفـتـخـر

اينـادي ذبحته امن النّحر

وينك يبو الحسنين كوم امن الغـري

*     *     *

بويه ابنك حسين انـذبـح

ودمّـه على الغبـره سـفـح

و راسه انّصب فوك الرمح

يا بويه عكب حسين بالدنيـه شلـي

*     *     *

راس الحسين امن انكطـع

فوك الرمـح راسـه ارتفـع

صرخت اعياله امن الفـزع

صاحوا فرد صيحه والدمـوع اتهلـي

*     *     *

ابنـك وكــع فـوك الـثــره

جالـه الشمـر حز منحـره

و اعظـام صـدره امكـسـره

طحنت اضلوعه الخيل وينك يا علي

*     *     *

مـأجـــوره يـفــاطــمــــه

ابنـيـج تغـسّـل بـالـدمــه

اضلوع البصدره امهشـمـه

وكـت الذبـح بالعين يُـمّـه صـدّ إلـي

*     *     *

كلـبـي يـيـمـه اشـلـونـــه

مـن شـفـتـه ايـذبـحـونــه

صـد لـي الولـي بعـيـونــه

ايكلي دصبـري وللهظيمه اتحمّـلـي

*     *     *

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى