الكرامة الحسينية

في دفن الحسين والشهداء

يحلـه المــوت ويّـــاكم        

مُــرّ او جود فركـاكــم

*     *     *

زينب تنــادي وتنتحب         يهـل العــلم والمعرفــه

ظليتـوا نومــه بالثــرى         ابليه دفن يهل الوفـــه

دمكــم صــار حنّاكــم         

مُــرّ او جود فركـاكــم

*     *     *

السجاد إجاكم وانطوت         أرض البعيـده بالعجـل

قدرة البــاري وحكمتــه         لي كربله ابسرعه وصل

اللّــــه راد مسعــاكـــم        

مُــرّ او جود فركـاكــم

*     *     *

يا فتية العـز والشـرف          بعتــوا أرواح الغاليـــه

والباري من عدكم شره          والثمـن جنــه عاليـــه

ناعـي البيــن ينعاكــم         

مُــرّ او جود فركـاكــم

*     *     *

تجــاره إلكــم رابحــه          تا جرتوا وي رب العله

فديتـوا مهجــة فاطمــه          وسوك التجاره كربلــه

والجنـــات مأواكــــم          

مُــرّ او جود فركـاكــم

*     *     *

يحسيـن عفناكـم جثث          بيدينه ما صــح الدفــن

واليـوم ثــالث جثتــك          لا غسل نلت او لا كفن

بعـــد ويـــن نلكاكـــم         

مُــرّ او جود فركـاكــم

*     *     *

ليلى تنــادي يا علــي          ردتك لعد كُبري ضمـد

ما جنت أظن يبني أبد          عني اتــروح وما تــرد

الوكت العــوز ردناكـم          

مُــرّ او جود فركـاكــم

*     *     *

رملــه يجاســم نادتــه         صعبـه عليّــه فركتــك

مصبــاح بيتـي انطفـى         يوم اللي طفّـوا شمعتـك

لا غيّــــاب نرجاكـــم        

مُــرّ او جود فركـاكــم

*     *     *

 

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى