في رثاء مسلم بن عقيل
أنـشـدكـم يـا مُسـلمـيـن خبروني عن ضيفـي ويـن
من بيتي سحـبـوه إعـداه ويلي اعـلى مسـلم ويـلاه
* * *
إجت طوعه و من حزنها ادمـوع عينـاهـا تهل
اتصيح ما شفتـوا غريب الـمـاله بيت اولا أهل
يا هل الكـوفـه اشبيـكم ليش خنتـوا بالبـطـل
أمس بايعتـوه كلـكـم عيـب و اللـه هـالفـعـل
لا وفـه عـدكــم لا ديـن خنـتـوا إبـن عـمّ حسـيـن
و حـسيـن مُـصـلِـح ودّاه ويلي اعـلى مسـلم ويـلاه
* * *
إبّاب بيتي شفته واكف ظامي وابكلبه اللّهيب
جبتله ماي ونشدته اشبيك أشـو أمـرك مُريب
كـال ضيفـينـي اللّيـله ابـهالبـلد آنـا غـريـب
مـالـي بالكـوفـه كرايب لا صديق اولا حسيب
ناديتـه كـول انت امنيـن كـال آنا مـرسـول حسين
و ضـاكـت ابعينـه دنيـاه ويلي اعـلى مسـلم ويـلاه
* * *
اللّيـل كـضّـاه بالعبـاده لا ارتـاح اولا هـجــع
اويـه الفجر جتّه الكـوم اتهيّأ الهم من سمـع
شهر سيفـه بيده مسـلم بالعجـل إلـهم طـلـع
انكسرت اجيوش الضلاله و صابهم منّه الهلع
يضربـهم اشـمال ايميـن طـيّحـهم الكـل مـيتـيـن
مـحّـد كــدر يـتـحــدّاه ويلي اعـلى مسـلم ويـلاه
* * *
أرسل ابن ازياد جيشه و دار بيه من كـل كتر
نـاس بحجار الترجمه و ناس ترميـه ابجمـر
وحده كابلهم ابسيـفه النـوب إجـولـه بالغـدر
ابدربه حفروا له حفـيره و طـاح ما بين الكفـر
مـحـتـار و يديـر العيـن وسلبوه سيـفـه النـذليــن
بـالسـيـف خـلّـد ذكـراه ويلي اعـلى مسـلم ويـلاه
* * *
جتّفوه من خذوا سيفه انذال ما عـدهـم رحـم
التفت ليّه ايكول أجرج عد علي و سيد الأمـم
لازم اتـمـركـم سبـايـه كلها أطـفـال او حـرم
إلـي ويّـاهـم ابنيّـه اصغيـره كـاسـرهـا اليتـم
أريـــد البنتـي اتعـزّيـن و ابحالي إلـها اتخبريـن
كـولـي الـها بـالشـفـنـاه ويلي اعـلى مسـلم ويـلاه
* * *
و بعـد اوصيـج ابوصيـه خلّـت ابكلبـي جـرح
لو نظـرتي اويه السبايه راس الحسين ابرمـح
سلّمـي لـي اعلى بن عمّي و كولي مسلم إنذبـح
وقـبّـلي بنتي اليتـيـمه البيـها مـا مـرّ الفـرح
عهدي اوياه ذاك الحيـن ضـحّـه ابروحـه للـدّيـن
مسلم الشهدت له اعـداه ويلي اعـلى مسـلم ويـلاه
* * *
بين ما طـوعـه اتناشـد صـابـها الحـرّه الفـزع
ابسيف ابن حمران مسلم راسه يا ويلي انكطع
و مـن سطح كصر الإماره جسم ابو طـاهر وكـع
و راس مسلم بعـد كطـعه فـوك مـيّـال ارتـفـع
عـنـده وعـد ويّـه حسين بـالشـام مـلـكه الراسيـن
لـي مكّــه شـابـح عينـاه ويلي اعـلى مسـلم ويـلاه
* * *
جثـّتـه ظـلت رمـيه و رجله ربطـوها ابحبـل
بالأسواك ايجرجرونه وهاني من كبله انجتـل
اثنينـهم جـرّوا جثتهم ابأمرهالطـاغـي النذل
ثـلـث تيـام اتركـوهـم ابغير دفن او لا غـسـل
و طـوعه تهل دمع العين اشعـذري السيد الكونين
اتمنيـت روحـي تـفــداه ويلي اعـلى مسـلم ويـلاه