للإمام الرضا (ع)
كثر همي يبنــــــت امي على دربج تصد عيني
كتبت اكتاب واريد اجواب بعد مــا ظن تلحكًيني
****************
غريب او غربتي صعبـــه عايـــش بين عدواني
عدوي اعيونه ترصــدني او باعـــد عني خلاني
سكًاني السم ابحب رمان وطريح افراشي خلاني
قذفت الدم وروحي اتلوج ونذير المـــوت وافاني
( إلي اتحتّم شراب السم شربت الموت بيميني)
( عن الأحباب انسدّ الباب عليهم زايد اونيني)
****************
غريب ودمعة الغـــــربه تسيل او حركًت اجفوني
شنو أذكــــر شنو أنسه عن اجـــدادي السبكًوني
أميه وكـــل بني العباس فنـــوا أهلي وفجعوني
أبويه بالسجـــن سمّوه ومنّه اسنين حـــرموني
( العدو سمّه ابسجن ظلمه اوحالوا بينه وبيني)
(ابجسر بغداد صفت أعياد بعد دهري اشيراويني)
*****************
ابحدّ السيف سجـن وسموم توارثناه أبــــــاً عن جد
بعد جـــــدي رســـول الله السقيفه سوّت النه حد
جـــــدي المرتضى كًادوه ابحبل مجتــوف للمسجد
وكســـر ضلع امي الزهره علي كل يـــــوم يتجدد
( إجه الغاصب صرخ غاضب يبو الحسنين وافيني)
( ابنار الباب دليلي ذاب إهي الحركًت صواويني)
****************
مصيبة كربله عـــــدّت على كل الجــــره اعلينه
أصد للماي اوكًلبي ايذوب أذكـــــر جلمة اسكينه
يبويه يابس الســــاني يبويه عمي جــــــاوينه
يكًلها عمّــــج العباس بروا يســـــراه وايمينه
( كسر ظهري وحرت بمري ابعمج لا تذكريني )
( العطش لهّاب وبجاج اصواب يسكنه لا تفجعيني )
****************
وأذكـــــر جيّة الأكبر رجع عطشــــان وينادي
يبويه ابكًطــــرة اميّه أريـــــــد اتبرّد افّادي
يكًلّه امنين أجيب الماي وتدري ابكًلبي اشسادي
إرجع للحرب والســاع يسكًيك النبي الهــــادي
( رجع عطشان الأبو ولهان ابصبره احسين يبجيني )
( واشد امصاب ابكًلبه اصواب يريت الموت يطويني)
****************
أصد للنار جـــن اكًبالي للمخيّــــــم يحركًونه
واشـاهد جدي العطشان عليه فزعـــوا ينحرونه
وراسه اعلى الرمح رفعوه وأطفاله يشوفونه
ولنّ الخيل تتراكــــــض على صـــدره يدوسونه
واشاهد جدي السجـــاد من افـــــراشه يجرّونه
العقيله اعليه من طـــاحت تنادي لا تذبحــــونه
( تصيح ادخيل ولينه اعليل او كًبله كًطعوا اوتيني )
( ترى هالشاب من الأطياب أبوه اعليه اموصّيني)
******************* تمت