أم البنين (ع)
يالمعتمر مشكور مر بالمدينه
روح البقيع وزور گبر الحزينه
بالدمعه تتلگاك أم البنين اهناك
روح البقيع اوزور گبر الحزينه
********************
هنيئا للگصد مكة وطاف الكعبة واتعمّر
يحلّ احرامه واليثرب يزور الهادي الأطهر
بها الزّاير من الرّوضة على اگبور المدينه مُرّ
لنه اگبوراربعه الباقر الحسن والعابد اوجعفر
خامس گبر مفگود ماندري وينه
ماحصلت الها اشهود بضعة نبينه
إخذ السئوال اوياك أم البنين اهناك
روح البقيع اوزور گبر الحزينه
====================
عداوه البضعة الهادي اگبور اليمّة هدموها
إگبور إمشيّده وتنزار ابوجه الگاع مسحوها
إبتهجير اوسجن عاشوا الأيمة وتالي سمّوها
حتّى من تجي الزوّار تزور اعناد يطردوها
يالمعتمر لتهاب گوم النجاسه
اتجاهل حچی الأذناب زور ابحماسة
لاتصغي للآذاك أم البنين اهناك
روح البقيع اوزر گبرالحزینه
****************
تذكّر من تطب يثرب صوت الشاعر بن حذلم
ينادي جيت أعزّيكم على بيت الهدى اتهدّم
راس احسين ابو السجاد ابراس الرمح يتكلّم
ولن حرمه إجت يمه تسئله والدمع يسجم
شنهو يناعي اتگول وضّح كلامك
منهو الّذي مقتول وبيه اهتمامك
امنين الخبر وافاك أم البنين اهناك
روح البقيع اوزور گبر الحزينه
***************
يعظّم أجرچ الباري يگلها سمعي الأخبار
احسين ابكربله مذبوح وراسه بالرمح يندار
وعباس البطل مخّه على الشاطي غده طشّار
الرجال اتذبّحت كلها هذا مختصر بالصار
صاحت لبوالسجاد فدوه ببنيني
ياريته سالم عاد وتشوفه عيني
گطّعت گلبي اشجاك أم البنين اهناك
روح البقيع اوزور گبرالحزينه
***************
بگت أم البنين اتنوح على اگبور اربعه اتنادي
يريت البين ترك لي حسين واخذ مني كل اولادي
وانا ولادي أقدّمهم هديّة البضعة الهادي
على حسين البچه والنوح البگه عريان بالوادي
داست عليه الخيل طحنت اعظامه
خل دمعي دوم ايسيل اليوم القيامه
يالدّا عي خذ بشراك أم البنين اهناك
روح البقيع اوزور گبر الحزينه
**************
يمن لك حاجة إطلبها من الله صاحب القدرة
اوخل الواسطة بينك اوبين الخدمت العتره
تراهي امّ البنين الها قدر عد فا طمه الزهرة
تعنّه الحاجتك يمها اوناديها بأسى وعبرة
بحق راس أبو السجاد بحر المناهج
منّچ أريد امراد باب الحوا يج
اتگلك الحاجة هاك أم البنين اهناك
روح البقيع اوزور گبر الحزينه
===============
تمت