الرباب وعبدالله الرضيع
صـاح الطفـل آه يمّه صـاح الطفـل آه
كلب امه نـاداه يمّه كلب امه نـاداه
يــاروح كلبي وسلــوتي اوردة اسنيني
اتمنيــت يبني هالسهــم كاطـع وتيني
صـاح الطفـل آه يمّه صـاح الطفـل آه
* * *
راح حسين للحومــه ابدمــع هـامي
وعلى إيده الطفـل عبداللّــه الظــامي
طلب له ماي او لن جاه السهم حامي
فرفـر بيــــد ابوه من نحـره الـدامي
وابشهكته صاح يمّه وابشهكتـه صـاح
قاسـى الذبّـــاح يمّه قاسـى الذبّـــاح
ما جنت اظن مذبوح يوليـدي تجيني
اتمنيت يبني هالسهــم كـاطع وتيني
صـاح الطفـل آه يمّه صـاح الطفـل آه
* * *
يعبداللّــه أصــد يمنــاي واشمــــالي
اشمَّـــن ريحتـــك يبنـي ايتــراوالـي
واهــزن بالمهــد ثاري المهــد خــالي
لون بيه روح مهدك جان بجه الحالي
ردّيـت مــذبــوح يمّه رديـت مـذبـــوح
ظل كلبي مجروح يمّه ظل كلبي مجروح
المهدك الخالي من أصـد يكثــر ونيني
اتمنيت يبني هالسهــم كاطــع وتيني
صـاح الطفـل آه يمّه صـاح الطفـل آه
* * *
يعبدالله انجرح كلبي وصحت ويــلاه
سهــم البين اجـاك اوصحت يمّـه آه
انطبع رسمك ابعيني أبـد ما أنســـاه
تناغينــي واكــلك يبــني ليــــلاوآه
اعلى شربة الماي يمّه اعلى شربة الماي
مردولي احشـاي يمّه مـردولي احشاي
حال القــدر يوليــدي ما بينك اوبيني
اتمنيت يبني هالسهــم كاطــع وتيني
صـاح الطفـل آه يمّه صـاح الطفـل آه
* * *
كبل ساعـه جنت يوليــدي ابحجري
الـوليــلك ييمّــــه ودمعتـي تجـــري
تلوج امن الظمــه واتهومش ابصــدري
الثدي نـاشف ييمّــه وانت ما تــدري
هاك الثدي هاك يمّه هاك الثدي هاك
ما يروي اظمـاك يمّه ما يروي اظماك
ناشف حليبك من ظمـاي آنا اشبديني
اتمنيت يبنـي هالسهــم كاطــع وتيني
صـاح الطفـل آه يمّه صـاح الطفـل آه
* * *
تلــوج ابئيدي يبني وآنا الوج اويــاك
ابــودّي لو أفت كلبي واروّي اظمــاك
ابــوك اتألّــــم وعنـــد العـــده ودّاك
الطاغـي حرملــه يبني سكاك ادمــاك
عطـشــان ودّاك يمّه عطـشــان ودّاك
روّوك بدمـــاك يمّه روّوك بدمـــاك
رديت مذبــوح ابسهــم يانـــور عيني
اتمنيت يبني هالسهــم كاطــع وتيني
صـاح الطفـل آه يمّه صـاح الطفـل آه
* * *
احسّك يالولد عايش ابوسـط احــشــاي
يبعــد الـروح يبني وفرحتي ابدنيــاي
يـا وردة حيـــاتي ونــــور البعينـــاي
مــا أدري تخطفــك مني يبنـي اعـداي
اشذنبك يذبحوك يمّه اشذنبك يذبحوك
من الماي حرموك يمّه من الماي حرموك
بالسهـــم كطعــوا ركبتــك آياجنيني
اتمنيت يبني هالسهــم كاطـع وتيني
صـاح الطفـل آه يمّه صـاح الطفـل آه
* * *