باب الزهراء عليها السلام
آه يا باب النبــــــــــــــوه بيك عصروا فاطمـــــه
طاح محسن على العتبه والضلوع امهشّــــــمه
صرخ ينعاها الجنيــــــــن صرخه من عبر السنين
وا زهراء وا زهراء
*************
آه يا باب النبــــــــــــوه تدري بالهادي الرسول
يجي يستأذن او يوكًف يمك ايسلّــــــم يكًول
يا أهـــــــل بيت النبوه تأذنولي بالدخـــــــول
ليش المجرم يرفسك تنثني ابضــلع البتول
وين حيدر عنها ويــــن صرخه من عبر السنين
وا زهراء وا زهراء
************
آه يا باب الرســـــــــاله صرخه من راس الكًلب
وكًفت الزهــــــره وراك اتحاجي انذال العـــرب
ولن إجه الثاني امصمم جايب اوياه الحطــــــب
شعل بيده نار حقـــــده ابّيت وحي الله ابغضب
بيده سجّـــــرها اللعين صرخه من عبر السنين
وا زهراء وا زهراء
***********
آه يا باب الكــــــــــرامه تدري بنت سيد البشر
جِرح مسمارك صــدرها والضلع منها انكســــر
تصيح يا فضــه اخذيني طفلي مات امن العصر
من سمعها الثاني إيده شالها وخدها انسطــر
آه يا سطـــــــرة العين صرخه من عبر السنين
وا زهراء وا زهراء
*************
آه يا نــــــــار السقيفه البكّت بينه مضـــرمه
باب فاطم اليقبــــــــله ينحســـــب مسيلمه
سلبوا البضعـــه فدكها وجتّفوا حامي الحمه
وماتت الزهـره شهيده امن السياط امألّمــه
والكًبر ما ندري ويـــــن صرخه من عبر السنين
وا زهراء وا زهراء
*************
نارهــــــا دار السقيفه انتقلت الطــــف كربله
الثاني خططها يحــارب عائلة سيــــــــد المله
حركًوا اخيام الحسيــن وسبوا كـــــــل العايله
والرضيع المـات ظامي روى ابنبلة حرملـــــه
آه من حقــــــد الدفين صرخه من عبر السنين
وا زهراء وا زهراء
**********
والمصيبه الألّمـــــتنه حسين عطشـــان انذبح
سهـــم المثلث ابكًلبه والجرح فوكً الجــــــــرح
والشمر من حز وريده شال راسه اعلى الرمح
وزينب اتنادي يجــــدي احسينك ابدمــــه سبح
بالرمح راس الحسيــن صرخه من عبر السنين
وا زهراء وا زهراء
**********
