ركب الحسين ودخول المدينة

طلعـنه            من الوطن و احسيـن ويّـانـه

رجعنـه                بس يتـامـه وحـرم حزنـانه

راح احسيـن منّـه              وراحـوا كـلّ أهلـنه

رجعنـه بس يتامه وحـرم حزنـانه

*******

طلعنـه امن المدينة وتدري الايـّام       خـــــــدر مامن مثيله

عـنوان الظعـينـة حسـين جـدّام        اوچان إسمي العقيلة

وصلنـه الـكربلـه والخـدر مـادام         الخــــــل فارگ خلـیله

وکفیـل الجابنـي عالمشـرعه نـام       وصـــــرت آنه الكفيله

تعنّيـت               الشريـعه أكشــف الحـاله

تمنّيـت               القـدر خـذ روحـي إبـدالـه

وگع شايل علمـنه            وراحوا كـلّ أهلنـه

رجعنـه بس يتـامه وحرم حزنـانه

*******

إرجعت للتّـل أصيـح إنهض يمظلوم          يبن أمّي إنسبينـه

على اخيمنه يخـويه هجمـت الگـوم         إبسرعه الحگ علينه

يبن أمّـي إذا مـاتـگــدر اتگـوم                  إبأ مر الله رضينـه

فـوّضنــه الأمـر لـلّه القيّــوم              إهو اليكتلف بينـه

ونيـني                 للعـليل إعـداه يجـرّونـه

حنيـني                  إعليه مـن رادوا يذبحـونه

تهـدّم سور أملنه         راحـوا كلّ أهلـنه

رجعنه بس يتامه وحرم حزنانه

*******

تعنّيـتك يخويه احسين أنـاديك           من هظم العلـيّه

جابوا النّو گ وادري الخبر ياذيك          من أمشي سـبيّه

شلون امشي يبعد اهلي واخلّـيك        مرمي اعلى الوطية

يبن أمي تراني اتحيـّرت بـيك                وماظل حـيل بـيّه

أروحـن          للـيسر واتكـفّل اطـفالك

أظلـّن           مارضه يبن امي چتـالـك

أون ونّه اعلى ونّه          راحـوا كلّ أهلـنه

رجعـنه بس يتامه وحرم حزنـانه

*******

          دخلنه الجلسة الطـاغي ابن ازياد         وظل يشتم أبونه

         يگلّي اشسـوّه بـيكم ربّ العـباد              إجيتوا اتحاربونه

         ورايد يقـتل إبنـك علي السجّـاد                وگاموا يسحبونه

         رميت ابروحي اعليه وگتله بس عاد          آنا انذبـح دونه

زجـرته             وانتفـض مابلـغ بـمراده

لعنـته                  والعـنت آبـآءه واجـداده

خلّصتوا نسلـنه            راحوا كلّ أهلـنه

رجعنه بس يتامه وحر م حـزنانه

*******

          وابجلسـة يزيد الظـيم شفـناه         من ابن هند اللعينه

           إبديـوانه وگـفنه ودار عيــناه                 يتنـشّد علينه

          وراسك بين إيديه يضرب ثنـايـاه           ريت انشل يمينه

           وظل يتفـاخـر الطـاغي ابسلـفاه        وفرحان ابسبينه

فجعني            بالطشت ظـل يلعب ابراسـك

هظمني            بالقضـيب ايكسّراضـراسـك

ياهظـم الكتـلنه       راحـوا كل أهلـنه

رجعنـه بس يتامه وحرم حزنـانه

*******

           ورجعـنه الكربله جينـاهـا زوّا ر               فجعتنه المقـابر

           إزنـود اموسّمه من عصي الأشرار         مكسورات خاطر

            صوغه اويانه جبـناهـا للمختـار            من دمك الطـاهر

            شگول إلأمّي الزهره من الأخـبار           ما تدري اشصاير

تـدرين                إبنـچ الـذبحـوه عـدوانـه

تـدرين               إنسبـينه وراســه ويّانـه

يايـمّه انثـكلـنه         راحـوا كـل أهلـنه

رجعـنه بس يتـامه وحرم حزنـانه

                      ÷÷÷÷÷÷÷ تمت ÷÷÷÷÷÷÷÷