زينب “ع” و الماء
اشلون اشـرب لـذيـذ المـاي ينـور العيـن ينـور العيـن
يريت اسكيك دمع عـيناي ينـور العيـن ينـور العيـن
* * *
يبـو اليـمّـه مـتت عطـشـان يخـويـه و الـنـهـر يــمــك
بني اميه احرمـوك الـمـاي و انت الـمـاي مـهـر امـــك
اجـوا سبعـيـن الف خيـال بـالـسـيـوف انثـروا لحمـك
و اجت الخيــل تتـراكـض ابحوافـرهـا اسحنت عظمـك
يـريـت الـمـاي لا يجــري اشوفـه و جمـرتي ابصـدري
أحس الـماي جمر بحشاي ينـور العيـن ينـور العيـن
* * *
يبـو اليـمـه و ثـلـث تـيـام بكيـت اعلى الثره مـطروح
و اجه بجدل كطـع صبعـك لجـل خـاتـم يبـعـد الـروح
و كـطـع جفّـينـك الجـمّـال عـفـاني هـم بكـت لي روح
تـركـتـك عـالثـرى و يمـك اجسـاد امـبضّعـيها اجروح
اكـهـول امـطـرّحه و شبان ضحايـه ابسـاحـة المـيــدان
عفت وليـاي ورفكت اعداي ينـور العيـن ينـور العيـن
* * *
يخـويـه و جـابـوا الـهـزّل العيـله بس حـرم و اطـفـال
اوّالـيـنـه البـكـه مـوجــود ايـديـه امزنجـله بـاغـــلال
كـمـت بـيــدي أركّـبـــهـم و اكف عنهم عصي الجمـّـال
و على راس الـرمـح راسـك يبـاري الظـعـن جنّـه اهـلال
جسـمـك عـالـثـرى عـفـتـه و راسـك خـويـه رافـكـتـــه
انكطـع رجواي وعفـت دنياي ينـور العيـن ينـور العيـن
* * *
مشـه ظعـن اليسـر بالحـال و مـرّيـنـــه عـالـمـصــــرع
اجـسـاد امـطـشّـره بـالكـاع رهـيـب الـمـنـظـر و يفجع
الربـاب تـنـادي عبــداللـه الثـديـك يبـنـي كـوم ارضـع
اصـد مـهــدك يـنـاشـدنـي عليـك بيــا وكــت ترجــع
ترى سهم الكطــع نحــرك و خـضّـب بـالدمـه ثـغــرك
فكس عيناي وترك لي داي ينـور العيـن ينـور العيـن
* * *
التـفـتـت ليــلـه للأكـبـــر تـكـلّه يـا ثـمــر عـمــــري
جنت شمعه و طفاها البيـن أعيـش بظـلـمـه كـل دهري
يـيـمــه ردتــك الـمـوتــي تـشـيّـعـنـي لـعــد كـبــري
نصيبـي و الدهـر و المــوت ثــلاثـه الكـسّـروا ظـهــري
ثـلاثــه الـكـطـعـوا آمـالـي بـعـد غـيـرك ولـد مــالــي
انهدم مبناي و راح اكـواي ينـور العيـن ينـور العيـن
* * *
اتـنــادي رمــلـه يا جـاسـم ألـم فـركــاك شـيـّـبــنــــي
على اربـاك اسـهرت ليـلـي و هـزيـت الـمـهـد يـبـنــي
بـكيـت اتـنـطّـر الـعـرسـك انعـكس دهـري و حـاربنـي
ارجعت لي امخضب ابدمك مـا تـكـعــد تـجــاوبــنــــي
عـجـنـت ابـدمعتـي حنّـاك و جنـت يـوليـدي اتـرجـاك
ترد لي ارباي و سهر ليلاي ينـور العيـن ينـور العيـن
* * *
انحنه ضلعي و جـره دمعي اعلى شاطي العلكمي و مايه
على جرفه البطـل مـطـروح و يـمـه الـجــود و الـرايــه
يبـو الغـيـره وكـع خــدري ابـيـوم الطـاحـت الـرايـــه
انتـهه وعـدك يبـو فـاضــل عـلى شـاطـي الـمـسنـّـايــه
مـا أنـسـاك راعــي الجــود يـخـويـه ابجـودك المعهـود
رويت اظـماي وصدكت ابهاي ينـور العيـن ينـور العيـن
* * *
يخـويـه و ارجعـت يثـرب ابـكـثـر الـظـيــم مـحنـيّـه
جنـت زينـب الـمـحجوبـه صـرت زيـنـب الـمـسبـيّـه
لكيـت ابيـوت مـهـجــوره بـالأحـــزان مـمـلــيـّـــــه
اصـد مـحـرابـك الـخـالــي اريــد انـعـاك مـابـيـّـــــه
ابـيـوت الـمـزهـره ظـلـمه و ردّيـت الـوطــن حــرمـه
اشيفيد انعاي كتلني الداي ينـور العيـن ينـور العيـن
* * *