زينب وهلال محرّم 1

 

يـــهــلال الـمــصــايـب          هــلّــيــت ابــنــوايــب

عـبـاس انخـسـف بـدره          اشصار ابعاشـر او ظُـهره

يـــهــلال الـمــصــايـب          هــلّــيــت ابــنــوايــب

*     *     *

يـهـلال الكـدر هـلّـيـت بـحـزانـي

أنـا زينب و صـار الحزن عـنـوانـي

يـهلال احصدت كل روس وليـانـي

ما ظـنّـيـت اظـل و اتعود إلي ثانـي

اشـعـنـدك تـرد يـهــلال          حـزنـك مـا تـرك حــال

على كلبي الخلص صبـره          اشصار ابعاشـر او ظُـهره

يـــهــلال الـمــصــايـب          هــلّــيــت ابــنــوايــب

*     *     *

 

 

تـذكـر يا هـلال الكـدر عـام الفـات

حادي الموت يمشي اويانه بالنكبات

ثالث يوم نزلنه الطف كلت هيهات

اخوتـي تسلم و ظـلّيت أعـد حسبات

أوّل كـسـره مــن البـيــن          بجنازه اللّي ردها حسين

الأكـبـر جثـتـه متـوذره          اشصار ابعاشـر او ظُـهره

يـــهــلال الـمــصــايـب          هــلّــيــت ابــنــوايــب

*     *     *

يشهر الموت بيك انفنت كل وليـاي

لجل الـمـاي فكدنه الكافـل الروّاي

تعنت له أطفال حسين ابدمع همّاي

لكف جوده و كال الساع اجيب الماي

وتعنّه لعد شاطي الـموت          ولن نسمع يصيح ابصوت

سلامـي البضعـة الزهـره          اشصار ابعاشـر او ظُـهره

يـــهــلال الـمــصــايـب          هــلّــيــت ابــنــوايــب

*     *     *

تـعـنـّالـه اخـوه ابــروح مـلهـوفــه

يمشـي و ينتحـب و يلكّـط اجفـوفـه

لكاه مطروح وعينه ابسهم مخطـوفه

يكـلـه وحّـدتـنـي و دربي ما شوفـه

و ابــو فــاضــل يـكــلـه          يـخـويــه اوداعــة اللـه

و حسيـن انكسـر ظـهره          اشصار ابعاشـر او ظُـهره

يـــهــلال الـمــصــايـب          هــلّــيــت ابــنــوايــب

*     *     *

عـاشـر يـوم مُغبر و اظـلمت شمسه

رادت رمـله جاسم تفـرح ابعـرسـه

رد عمّه ابجثته و روحه منحمـسـه

اجت ليه الحزينـه الكلبه اتجـسـه

ابـنـهـا مـيّـت اتشـوفـه          بـديـهـا اتكلّب اجفـوفه

ابـراسـه صـايره الطـبره          اشصار ابعاشـر او ظُـهره

يـــهــلال الـمــصــايـب          هــلّــيــت ابــنــوايــب

*     *     *

من صار الظهر خدري انهدم صرحه

شفت حسين مرمي يون مـن جرحـه

وعلى صدره الضبابي كاعـد ايـذبحه

صحت خليـه ظـل يدفعنـي ابرمحه

شــال السـيــف بـيــــده          و ظــل يـكـطـع وريـــده

صحت بيه كوم عن صدره          اشصار ابعاشـر او ظُـهره

يـــهــلال الـمــصــايـب          هــلّــيــت ابــنــوايــب

*     *     *

مـن صـار العصـر كُبـرَت مـصيبتنـه

اجتنه الكـوم خيـل و نار دهشتـنـه

يسلبـونـه و لا يرحمـون صرختـنـه

مـن ضـرب العصي كلنـه تشـتـتـنـه

مـن نــار الـمـصـيـبــــه          فــزعـنــه للـحـريـبــــه

و حسيـن انكـطـع نحـره          اشصار ابعاشـر او ظُـهره

يـــهــلال الـمــصــايـب          هــلّــيــت ابــنــوايــب

*     *     *