يمنهـــــــاج حوزتنـــــه
راح اتطـــول حسرتنــــه
* * *
مـن غـاب نـور المصطفـى أمســت الدنيــه مظلمــه
ظلـت تهــل دمّ الدمـــع بنتــه الحزينـــه فاطمــه
اتنـــادي ويــن هيبتنـــه
راح اتطـــول حسرتنــــه
* * *
من اليوم جلبــاب الحزن خيّـــم علينــــه وانفـرض
لا سمه اتظلنه مـن الحزن لاندري جان احنه ابأرض
طايــح ســــور خيمتنـــه
راح اتطـــول حسرتنــــه
* * *
ياللي ابجهادك وضّــحت معنى الرسالــه الهادفــه
من يوم غمّضـت الجفـــن غايـب رشـــاد المعرفـــه
آه اشلـــــون حالتنــــــه
راح اتطـــول حسرتنــــه
* * *
يا نبي الرحمــه ابغيبتـك من بيتي الوحي انكطـع
النـاس تصــرخ بالأســف والعالـم العلــوي انفجـع
منهــو ايشيـــل رايتنـــه
راح اتطـــول حسرتنــــه
* * *
صــوت العدالـــه ينتحب ويصيـــح يا خيـر الورى
بعدك على الدنيــا العفــا لو تدري بعـدك ما جـرى
بعض الكــــوم خانتنــــه
راح اتطـــول حسرتنــــه
* * *
من شفتك اعلى المغتســل حسّيت جن كلبي هــوه
دمعي نثرته اعلى الكفــن عمري الفركــاك انطــوه
ينبـــــراس عزتنــــــــه
راح اتطـــول حسرتنــــه
* * *
وصيــت بالعتـره اشكثـــر ذيج الوصيــه اتبخـــرت
كالــوا أبو القاسـم هجـــر والنـاس عنـــه أدبـــرت
بالأحـــــزان خلتنـــــــه
راح اتطـــول حسرتنــــه
* * *
لو تدري يالهادي اشجـره وشنهو سده وي روحتـك
رجعــت الأمـــه للـــوره كبـل الدفــن لجنازتـــك
آ يـــا نــــار فجعتنــــه
راح اتطـــول حسرتنــــه
* * *